Bakı/18.10.20/Turan: Bakı İnsan Hüquqları Klubu (BİHK) oktyabrın 10-da və 17-də Gəncə şəhərinə raket hücumları nəticəsində dinc sakinlərin öldürülməsi və xəsarət alması faktlarını kəskin şəkildə qınayır.
BİHK hesab edir ki, həm Gəncədə, həm də müxtəlif tarixlərdə Mingəçevir şəhərində, o cümlədən Ağdam, Ağcabədi, Bərdə, Goranboy, Tərtər və digər rayonlarda mülki əhaliyə və mülki infrastruktur obyektlərinə edilən davamlı və sistemli silahlı hücumların hüquqi mexanizmlər vasitəsilə qabardılması vacib əhəmiyyətə malikdir. Bu bir tərəfdən hücumların qurbanları və onların yaxınları üçün qismən də olsa ədalətin bərpa edilməsi, digər tərəfdən törədilən cinayətlərə hüquqi qiymətin verilməsi üçün zəruridir.
BİHK yuxarıda qeyd edilən məqsədlərə nail olmaq üçün öldürülmüş vətəndaşların hüquqi varislərinə, yaralanmış və əmlakı məhv edilmiş yaxud zədələnmiş vətəndaşlara tam təmənasız hüquqi yardım göstərərək bu işlərin Avropa İnsan Hüquqları Məhkəməsinə aparılmasını təşkil edir.
Bu hücumlar nəticəsində zərər çəkmiş vətəndaşlar aşağıdakı əlaqə vasitələri ilə müraciət edə bilərlər:
+994 51 706 74 47 (zənglə yaxud votsap tətbiqi üzərindən)
humanrightsclub.az@gmail.com elektron poçt ünvanı vasitəsilə
https://www.facebook.com/BakuHumanRightsClub - Facebook səhifəsinin poçt qutusu (inbox) üzərindən .-0-
Cəmiyyət
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
Rəy yaz