İyulun 20-də Abşeron çimərliklərində xoşagəlməz rekord qeydə alınıb, 7 nəfər dənizdə boğulub. Belə ki, Bakı sakinləri Tutu Əliyeva, Rafiq Bayramov, Orxan Əliyev və Dəvəçi rayon sakini Cəmilə Eyyubova Şüvəlan qəsəbəsindəki çimərlikdə batıblar.
Vəli Abbasov və Rəvan Hüseynov qonşu Mərdəkan çimərliyində, Bakı sakini Rəsul Musayev isə Goradil qəsəbəsindəki çimərlikdə həlak olub. Bu barədə DİN-in mətbuat xidməti məlumat yayıb.
Mənbənin məlumatına görə, Orxan Əliyevdən başqa, həlak olanların cəsədləri tapılıb.
Çimərliklərdə vətəndaşların təhlükəsizliyinə görə FHN-in xilasetmə xidməti cavabdehdir. Bu idarənin məlumatlarında qeyd edilir ki, bütün həlak olanlar “nəzarətsiz zonada”, xilasetmə xidmətinin “məsuliyyət” zonasından kənarda batıblar.
FHN həmçinin bildirir ki, daha bir nəfər Sabirabad rayonu ərazisində Kür çayında batıb, xilasedicilər onun cəsədini tapmayıblar.
Qaradağ rayonunda batmaqda olan bir nəfəri xilas etmək mümkün olub. -03D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz