Bir il yarımdır ki, dost Ukraynada ittiham üçün sübutlar olmadan azərbaycanlıları mühakimə edirlər

Sentyabrın 8-də Kiyevdə İkinci Qarabağ Müharibəsinin veteranı, saxlanılan Misir Qasımlının işi üzrə növbəti məhkəmə iclası keçirilib. Kiyevdə onun məhkəmə prosesi bir il yarımdır ki, davam edir. Prosesə Ukrayna Apellyasiya Məhkəməsində baxılır.  Azərbaycan vətəndaşı Misir Qasımlıya və onun dostu Sübhan Quliyevə qarşı insan oğurluğu, ona qarşı zorakılıq, silah saxlamaq kimi ağır ittiham irəli sürülüb. Amma Vəkil Valeri Dobranitsa Turan-a bildirib ki, ittiham tərəfinin azərbaycanlıların günahına dair bir dənə də olsun sübutu yoxdur.

Guya Qasımlı və Quliyevin döydüyü adam İspaniya vətəndaşıdır,  heç vaxt məhkəməyə getməyib. Vəkil Dobranitsa bu adamı heç vaxt görməyib. İspaniyalının dörd dəfə vəkilini dəyişiblər ki, bu da vəkillərin perspektivsiz işlə məşğul olmaq istəməməsini göstərir. Məhkəmə müttəhimin ev dustaqlığına keçirilməsi barədə vəsatət qaldıran Azərbaycan Müharibə Veteranları Təşkilatının müraciətini diqqətə almır, hakim 2020-ci ildə Qarabağda Vətən Müharibəsində Qasımlının döyüşdüyü hərbi hissənin müsbət xarakteristikasını nəzərə almır. Gənc nümayəndələri bu ölkə uğrunda qəhrəmancasına döyüşən Ukraynadakı Azərbaycan diasporunun müraciətlərinə də hakim tərəfindən məhəl qoyulmur. Ukrayna Azərbaycanlıları Birləşmiş Diasporunun nümayəndəsi məhkəmədə çıxış edərək müttəhimlərin zaminə buraxılmasını xahiş edib, lakin hakim bu xahişi qəbul etməyib. Vətən Müharibəsi veteranları Ukraynanın Bakıdakı səfirliyinin qarşısında etiraz aksiyası keçiriblər.

Vəkil Dobranitsa Turan ilə söhbətində deyib ki, belə düşünməyə əsas var ki, sanki hansısa üçüncü qüvvə günahsız adamın həbsdə qalması üçün Ukraynanın ədalət mühakiməsinə təzyiq edir. Məsələ burasındadır ki, Qasımlı Azərbaycanın könüllü müdafiəçisidir, Qarabağda Vətən Müharibəsi haqqında məlumat yayıb. Bir çox sübut göstərir ki, Ukraynanın erməni icması Qasımlının uzun müddət həbsdə qalması üçün məhkəməyə təzyiq göstərir.

Təsəvvür etmək çətindir, ancaq  məhkəmədə prokuror bildirib ki, müttəhim azadlığa çıxmamalıdır, çünki Qarabağda döyüşüb. Bu tələblə analogiya aparsaq demək olar ki, prokuror Rusiyanın işğalçı qoşunlarına qarşı döyüşmüş ukraynalıların azadlıqda olmasını mümkün hesab etmir, vəkil deyib.

Misir Qasımlının bacısı qeyd edib ki, ermənilərin bu işin gedişinə müdaxiləsinə görə məhkəmə prosesi bir il uzanıb. Onun sözlərinə görə, Vətən Müharibəsi zamanı qardaşının çəkdiyi videokadrlar ermənilərdə narazılıq yaradıb.

Vəkilin Misirin mühakimə edilməsində maraqlı olan üçüncü tərəfin olması faktlarını sadalaması təəccüb doğurur, sanki baş verənlərin Ukraynaya aidiyyatı yoxdur.

Vəkilin sözlərinə görə, hakim baş verənləri aydınlaşdırmağa gələn Azərbaycan səfirliyinin nümayəndələrini məhkəmə zalından çıxarıb. Hakim müdafiə tərəfinin vəsatətinə  baxmır, onun qanunla müəyyən edilmiş baxılma müddətini ötürür. Prokurorluğun bütün versiyası uydurma üzərində qurulub, Qasımlının cinayətdə iştirakını birbaşa sübut edən heç bir fakt yoxdur, bununla belə, prokurorluq Ukrayna qanunlarını pozur.  Nəhayət, sentyabrın 8-də məhkəmə iclasında müdafiə tərəfi sənədləri hakimə təqdim edib. Onlardan biri Qalustyan tərəfindən Ukrayna dilinə çevrilib.

“Müvəkkilim məhkəmə zalında bildirdi ki, Azərbaycanla Ukraynanın arasının pozulmasında maraqlı olan qüvvələr var, hakim, müstəntiqlər və prokurorun bu işə cəlb edilib”, - vəkil deyib.

Rusiyada yaşayan Misir Qasımlı 44 günlük müharibə başlayanda Azərbaycana gəlib və könüllü olaraq cəbhəyə gedib. Müharibədən sonra Ukraynaya gedib. 2021-ci il iyunun 8-də  Sübhan Quliyevlə Kiyevdə restoranda olub. Onların yanında İspan vətəndaşı oturub. Söhbət zamanı məlum olub ki, ispaniyalının anası ermənidir. Əcnəbi Misir Qasımlının yerinə hesabı ödəyib. Üçü başqa restorana gedib və yolda ispan-erməni azərbaycanlılara narkotik maddə satmağı təklif edib. Xoşagəlməz təklif qalmaqala səbəb olub, Qasımlı ispaniyalını qovub, sonra onları tərk edən narkocinayətkar azərbaycanlıları hücumda və qarətdə ittiham edib.

Bu həftə, sentyabrın 6-da Kiyev Apellyasiya Məhkəməsində vəkilin hələ mayın 18-də verdiyi apellyasiya üzrə iclas baş tutmayıb. Ukrayna qanununa görə, hakimlər şikayətə 60 gün ərzində baxmalıdırlar. Amma hər dəfə hakimlər vəkilin müraciətini təxirə salmaq üçün yeni bir səbəb tapırlar,  Valeri Dobranitsa Turan-a bildirib.

Həmin gün hakim dəyişikliyi baş verdi,  zahirən erməniyə oxşayan, ancaq slavyan adlı və soyadlı,  müttəhimə qərəzli münasibət bəsləyən hakim gəldi. Bu qadın iclasların arasında rus dilində çox yaxşı danışırdı, amma məhkəmə dinləməsində Qasımlıya rus dilində danışmağı qadağan edirdi, çünki onun sözlərinə görə, bu dili bilmir. Qanunla bu, qadağandır.

Sentyabrın 6-da Apellyasiya Məhkəməsi bildirdi ki, Misirin məhkəməyə gətirilməsi üçün məhkəmə sənədlərini İstintaq Təcridxanasına göndərib. Ancaq təcridxana göstərişi yerinə yetirməyib.

Sentyabrın 8-də məhkəmədə yeni mühüm hadisələr baş verdi. Hakim Aleksandr Tixanski müharibədən sonra qayıtdı, işə baxılmasını davam etdirdi. Vəkilin sözlərinə görə, ittiham tərəfi iki videoyazı təqdim edib. Prokuror tərəfindən məhkəməyə təqdim edilmiş bir diskdə Misirin yaşadığı mənzildə axtarış aparıldığı göstərilir. Qeyd edim ki, orada bir neçə nəfər yaşayıb, mənzil kirayədir.

Videodiskə baxdıqdan sonra vəkillər sübut etdilər ki, axtarış mənzil sahibinin icazəsi olmadan və tərcüməçinin iştirakı olmadan aparılıb. İstintaq hərəkətləri leqallaşdırılmayıb. Qanunla bu, axtarışı qeyri-qanuni edir. Aşkar edilmiş tapançada isə Misirin barmaq izləri tapılmayıb, yəni silahın mənim müvəkkilimə aid olmasına dair sübut yoxdur.

Başqa bir videofaylda prokuror müttəhimin zərərçəkmişə məxsus bank kartından pulların çıxarmasına sübut kimi  Misir Quliyevi və onun avtomobilini göstərəcəyini vəd edib. Amma videoda Misir təsvir olunmayıb, avtomobilin də nə olduğu məlum deyil, kartın zərərçəkənə aid olduğuna sübut yoxdur.

Məhkəmədə Azərbaycan səfirliyinin, diasporun və Ukrayna Silahlı Qüvvələrinin nümayəndələri iştirak ediblər.

Prokuror Misirin təcridxanada qalmasının daha 60 gün uzadılmasını istəyib. Zərərçəkmişin vəkili həkimin məktubunu göstərib ki, ispaniyalı zərərçəkmiş xəstədir və həkim ona Kiyevə məhkəməyə getməyi məsləhət görmür. Sonra məlum olub ki, bu sənədi Ukrayna dilinə Qalustyan soyadlı tərcüməçi çevirib.

Misirin vəkilləri məhkəmədən qətimkan tədbirinin dəyişdirilməsini xahiş ediblər ki, müttəhim məhkəmə müddətində Kiyevdə mənzildə yaşaya bilsin, çünki proses üçün risk yoxdur. Ordenli şəxslər - Ukraynadakı müharibə veteranları və Azərbaycan diasporu müttəhimə görə xahiş ediblər.

Hakimin müttəhimin zaminə buraxılması ilə bağlı veteranların xahişini yerinə yetirməkdən imtina etməsi bizi şoka saldı,  vəkil qeyd edib.

Onun sözlərinə görə, Azərbaycan səfirliyinin nümayəndələri məhkəmədə prokurorun və hakimin qərəzliliyinə sair sübutlar görürlər. Hətta videoyazıda şəxsin və avtomobilin identifikasiyası aparılmayıb, lakin hakim təqsirləndirilən şəxsin barəsində qətimkan tədbirini dəyişdirməyib.

"Bu gün Sübxan Quliyev və Misir Qasımlının istintaq təcridxanasında saxlanmasından 15 ay keçir. Müttəhimlər təqsirləri  sübuta yetirilmədən 15 il müddətinə mühakimə oluna bilər", - vəkil Valeri Dobranitsa fikrini yekunlaşdırıb.

M.Qasımlı və S.Quliyevin işlərinə Kiyev vilayəti Obuxov Rayon Məhkəməsində baxılıb, indi isə Kiyev Apellyasiya Məhkəməsində baxılır. Prokuror Rinat Kuzmenko saxlanılanların ittiham olunduqları maddələri (xuliqanlıq, adam oğurluğu, qanunsuz silah saxlama) elan edib  və 8 ildən 15 ilədək azadlıqdan məhrumolunma istəyib.

“İttiham prokurorun uydurmalarına əsaslanır, faktlarla təsdiqlənmir və məhkəmə isə bu vəziyyəti anlayaraq işə qanunla baxmaq əvəzinə, müdafiə etdiyim şəxsə qərəzli yanaşır. Bu il ərzində Misir və Sübxanın cinayət işinə baxılması üzrə bir dənə də olsun məhkəmə iclası təyin olunmayıb. İş dayanıb, “zərərçəkən” Ukraynada deyil, məhkəmə iclaslarına yalnız vəkili gəlir. İki aydan bir məhkəmə iclası keçirilir ki, Misir və Sübhanın həbs müddəti uzadılsın. Həbs müddətini uzadırlar, amma cinayət işinə məhkəmədə baxılmır”, – vəkil deyib.

Proses üzrə növbəti məhkəmə iclası sentyabrın 12-nə təyin edilib.

Əsassız uzanan məhkəmə prosesinin ikinci ilində vəkilə pul ödəmək üçün Qasımlının ailəsinin vəsaiti tükənib. Misirin Moskvada yaşayan qohumu Zümrüdün sözlərinə görə, müttəhimin anası xərcləri ödəmək üçün mənzili girov qoyub. Müttəhimin ailəsi maliyyə vəsaitinin axtarışı üçün t bank hesabları açıb və hamıdan hesablara pul köçürərək onlara yardımçı olmağı xahiş edir.

Məqaləyə illüstrasiyalarda bank hesabları göstərilir.