Açiq mənbələrdən foto.
Bakı/19.11.21/Turan: Noyabrın 19-da Birinci Qarabağ Müharibəsi veteranlarından ibarət qrup Əmək və Əhalinin Sosial Müdafiəsi Nazirliyinin qarşısında toplaşıb. Onlar artıq neçə aydır ki, əlilliyə görə pensiyaların verilməməsinə etiraz ediblər.
Aksiyaya digər şəxslər də qoşulublar, onlar əlilliyə görə pensiyadan məhrum olduqlarını bildiriblər.
Polis aksiyanın qarşısını alıb. Bəzi iştirakçılar polis maşınlarına oturdularaq ərazidən çıxarılıb.
Amma etirazçıların bir hissəsini Əmək və Əhalinin Sosial Müdafiəsi Nazirliyində qəbul ediblər.
Bu qurumdan şərh almaq mümkün olmayıb.
Bu il hakimiyyət əlilliyin verilməsi qaydalarına yenidən baxıb, bu səbəbdən fiziki imkanları məhdud şəxslərin bir hissəsi müavinətdən məhrum olub.—06D-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz