Abid Qafarov
Bakı/01.06.23/Turan: KİM.TV YouTube kanalının aparıcısı Abid Qafarov iyunun 1-də azadlığa buraxılıb. Bu barədə onun vəkili Aqil Layıc Turan-a məlumat verib.
Onun sözlərinə görə, Bakı Apellyasiya Məhkəməsinin qərarı ilə Qafarova qarşı ittihamların birinə xitam verilib. "Böhtan maddəsinə məhkəmə tərəfindən bəraət verildi. Digər maddəyə - təhqirə görə isə həbs müddəti bitdi deyə, Abid Qafarov azadlığa buraxıldı".
Vəkil hesab edir ki, təhqir maddəsi ilə də Qafarova bəraət verilməlidir. "O, günahsızdır və biz ədaləti bərpa etmək üçün bütün hüquqi vasitələrdən istifadə edəcəyik".
Abid Qafarov ötən ilin iyulun 13-də həbs olunub.
O, bir qrup qazi tərəfindən məhkəməyə verilmişdi. Onlar iddia edirdi ki, Qafarov onları təhqir edib və böhtan atıb.
Məhkəmənin qərarı ilə, Abid Qafarov 1 il müddətə azadlıqdan məhrum edilib. O, Cinayət Məcəlləsinin 147 (böhtan) və 148-ci (təhqir) maddələrilə təqsirli bilinib. Hər bir maddə üzrə ona 6 ay həbs cəzası təyin edilib.
Abid Qafarov "Tərtər işi" ilə bağlı araşdırmalarına görə cəzalandırıldığını bildirmişdi. 0
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz