Mehman Qələndərov
Blogerin müəmmalı intiharından bir il ötür
Bakı /28.04.18/Turan: Bu gün 2017-ci il aprelin 28-də 1 saylı Bakı İstintaq Təcridxanasında müəmmalı şəraitdə intihar etdiyi iddia olunan, hüquq müdafiəçiləri tərəfindən siyasi məhbus kimi tanınan Mehman Qələndərovun ölümündən bir il keçir.
Tənqidçi bloger Mehman Qələndərov 2017-ci il fevralın 7-də narkotik maddələrin qanunsuz dövriyyəsi ittihamı ilə (234.2-ci maddə) həbs edilib. M.Qələndərov həbs edildiyi gün öz Facebook səhifəsində belə yazıb:
"Hamımız Qiyas kimi olaq. Qul olmayaq" (fəallar Qiyas İbrahimov və Bayram Məmmədov Heydər Əliyevin abidəsinə siyasi şüarlar yazdıqdan sonra narkotik maddə ittihamı ilə 10 il müddətinə həbs edilib - red.).
Facebook statusundan bir neçə saat sonra M.Qələndərov saxlanılıb. Rəsmi versiyaya görə, 2017-ci il aprelin 28-də istintaq təcridxanasında intihar edərək dünyasını dəyişib.
M.Qələndərovun ölümündən sonra Sabunçu Rayon Prokurorluğunda Cinayət Məcəlləsinin 125-ci maddəsi ilə (özünü öldürmə həddinə çatdırma) cinayət işi başlanıb. Sonradan iş Bakı Şəhər Prokurorluğuna göndərilib.
İbtidai istintaqın yekunlarına görə, prokurorluq M.Qələndərovun ölümündə cinayət tərkibinin olmadığı, onun intihar etdiyi qənaətinə gəlib. Beləliklə, 2018-ci ilin fevralında blogerin istintaq təcridxanasında ölümü faktı üzrə cinayət işinə xitam verilib.
Bu gün bir qrup hüquq müdafiəçisi və fəal M. Qələndərovun məzarını ziyarət edib.
Hüquq müdafiəşisi Oqtay Gülalıyev bildirib ki, blogerin ölümü ilə bağlı cinayətə obyektiv hüquqi qiymət verilməyib:
"Cinayətin açılması üçün heç bir araşdırma, təhqiqat aparılmayıb. Yalnız cinayəti ört-basdır etməklə məşğul olublar".
Hüquq müdafiəçisi Azərbaycan hakimiyyətini ölüm işini obyektiv araşdırılmasına və məsul şəxslərin məsuliyyətə cəlb olunmasına çağırıb.
Jurnalist Əvəz Zeynallı ictimaiyyətə müraciət edərək deyib ki, arxasıza arxa olmaq lazımdır.
"İctimai diqqət geniş olanda hakimiyyət şər və zor aparatını sonuna qədər işə sala bilmir. Gəlin, cəmiyyətin hələ ayaqda olduğunu göstərək", - o, ictimaiyyəti həmrəyliyə səsləyib.-03B-
-
- Cəmiyyət
- 28 Aprel 2018 12:20
-
- Foto sessiyalar
- 28 Aprel 2018 19:28
Cəmiyyət
-
Azərbaycan uşaq zorakılığı hallarının narahatedici artımı ilə üzləşir, bu da daha sərt hüquqi müdafiə və qanunun icrasının gücləndirilməsi ilə bağlı çağırışlara səbəb olub. Cəmi iki gün ərzində iki ciddi uşaq zorakılığı hadisəsi aşkarlanıb, bu isə ölkənin uşaq müdafiə sistemi üzərində kölgə salır.
-
Sentyabrın 29-da Bakıda və Abşeron yarımadasında havanın dəyişkən buludlu, əsasən yağıntısız olacağı gözlənilir. Şimal-şərq küləyi əsəcək.
-
Abşeron rayonunun Saray qəsəbəsi ərazisində silah və hərbi sursatlar aşkar edilib. Bu barədə Fövqəladə Hallar Nazirliyi bildirib. Nazirliyin Xüsusi Riskli Xilasetmə Xidmətinin minalardan təmizləmə üzrə çevik qrupu hadisə yerinə cəlb edilib.
-
Bakının COP29-un ev sahibi şəhəri olaraq qlobal diqqət mərkəzinə çıxmağa hazırlaşdığı bir vaxtda, Şimali Avropa ölkələrinin səfirlikləri Kitabistan platforması ilə əməkdaşlıqda “NORDIC TALKS: The Nordic Green Model” təşəbbüsünü başlatdı. Danimarka, Finlandiya, Norveç və İsveç səfirliklərinin rəhbərliyi ilə həyata keçirilən bu layihə, Şimali Avropa ölkələrinin bərpa olunan enerji mənbələrinə keçid və iqlim dəyişikliyinə qarşı mübarizə sahəsində əldə etdikləri uğurlu təcrübələrin paylaşılmasına yönəlib. Şimali Avropa Nazirlər Şurasının dəstəyi ilə həyata keçirilən təşəbbüs, Şimali Avropa ölkələrinin yanaşmasını dayanıqlı inkişaf modeli kimi təqdim edir.
Xaricdən gələn təhlükələrə qarşı necə mübarizə aparmalı?- Əhməd Əlili Çətin sualda
Xəbər lenti
-
- Böyük Şərq,
- 06:35
- 141
Rəy yaz