Açiq mənbələrdən foto.
Bakı/03.07.23/Turan: Daxili İşlər Nazirliyi (DİN) Baş Mütəşəkkil Cinayətkarlıqla Mübarizə İdarəsinin əməkdaşları son günlərdə İrandan qaçaqmalçılıq yolu ilə ölkəyə narkotik vasitələr göndərən dəstənin Azərbaycandakı üzvlərinə qarşı əməliyyatlar keçirib. Bu barədə DİN-in mətbuat xidmətinin yaydığı məlumatda deyilir.
Məlumata görə, idarə qanunsuz olaraq odlu silah əldə edib saxlayan şəxslərə qarşı da əməliyyatlar keçirib.
Saxlanılan şəxslərdən tərkibi psixitrop maddələrlə zənginləşdirilmiş 17 kiloqram marixuana və 16 kiloqram heroin olmaqla 33 koloqram narkotik vasitə aşkar edilərək götürülüb.
Bundan əlavə, qanunsuz 2 tapança, 2 avtomat silah, 1 tüfəng, 47 ədəd patron və 3 ədəd patron darağı aşkar edilib.
Araşdırma nəticəsində müəyyən narkotik vasitəni İrandan Vaqif Novruzov, İsmayıl Piriyev və Ülvi İbrahimovun satış məqsədilə ölkəyə gətridiyi məlum olub. Baş İdarənin Sumqayıt şəhəri, Balakən, Qusar, Sabirabad və Xaçmaz rayonlarında həyata keçirdiyi əməliyyatlar nəticəsində qanunsuz odlu silah əldə edib saxlayan şəxslər - Teymur Nərimanov, Samir Şəkiliyev, Emin Bağıyev, Bəyanət Əsgərov və Eldəniz Fərzəliyev saxlanılıblar.
Qeyd olunan faktlarla bağlı Cinayət Məcəlləsinin müvafiq maddələri ilə cinayət işləri başlanılıb, adları sadalanan şəxslər barəsində həbs qətimkan tədbirləri seçilib, əməliyyat-istintaq tədbirləri davam etdirilir. 0
Cəmiyyət
-
Bazar günü, noyabrın 17-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gecə və səhər bəzi yerlərdə arabir yağış yağacağı gözlənilir. Səhər yarımadanın ayrı-ayrı yerlərində qısamüddətli leysan xarakterli olacağı ehtimalı var. Arabir güclənən şimal-qərb küləyi gündüz mülayimləşəcək.
-
Bakıda qalxanabənzər vəzin xərçənginə yoluxma halları sürətlə artıb, həm də həkim-endokrinoloq Sadiq Bəbirov uşaqlarda bu cür patologiyaların çox olduğuna diqqət çəkir.
-
Noyabrın 14-də şəkərli diabetlə beynəlxalq mübarizə günü idi. Azərbaycanda diabetdən əziyyət çəkənlər üçün pulsuz dərmanların verilməsi nəzərdə tutulub. Nazirlər Kabinetinin qərarına görə, pulsuz dərman Səhiyyə Nazirliyinin təsdiq etdiyi xüsusi formada olan resept nüsxəsində yazılır. Lakin xəstələrə pulsuz dərmanların verilməsində hələ də problemin olduğu ilə bağlı şikayətlər eşidilir.
-
Noyabrın 16-da paytaxtda hava tutqun olacaq, axşama doğru yağış yağa bilər. Səhər və axşam duman olacaq. Mülayim cənub-qərb küləyi şimal-qərb küləyinə keçəcək.
Rəy yaz