Son 10 ildə dünyada qaçqınların sayı 20 milyondan çox artıb. Məcburi köçkünlərin sayının artmasının əsas səbəblərindən biri Suriyada vətəndaş müharibəsi olub.
Bütün dünya üzrə müharibələrdən və münaqişələrdən xilas olan qaçqınların sayı hazırda misli görünməmiş qədər çoxdur. Bu barədə iyunun 18-də BMT-nin Qaçqınların işi üzrə Ali Komissarının idarəsi (UNHCR) yayıb. İdarənin məlumatına görə, 2014-cü ilin sonuna dünyada qaçqın kateqoriyasına aid 59,5 milyon insan var idi.
İcmalda deyilir ki, bu, “idarənin indiyə qədər qeydə aldığı ən yüksək göstəricidir”. Bir il əvvəl qaçqınların sayı 8 milyon daha az – 51,2 milyon idi, on il əvvəl isə onların sayı 38 milyondan az təşkil edirdi. Bu zaman 2015-ci ilin sonlarına doğru UNHCR bu kateqoriyanın daha da böyüyəcəyini gözləyir.
BMT-nin qaçqınların işləri üzrə Ali Komissarı Antonio Qutyerres yaranmış vəziyyəti “paradiqma dəyişikliyi” adlandırıb. “Elə bir dövrdə yaşayırıq ki, məcburi köçürülmələrin, habelə tələb olunan cavab tədbirlərinin miqyası əvvəllər olan hər şeyi kölgədə qoyur”, Qutyerres belə hesab edir.
Hesabata əsasən, qaçqınların sayının sürətlə artması ilk dəfə 2011-ci ildə - Suriyada indiyədək davam edən vətəndaş müharibəsinin ilk dəfə başladığı zaman qeydə alınıb. Məhz bu ölkənin sakinləri qaçqınların sayına görə birinci sıradadır – 11,48 milyon nəfər. Daha sonra Əfqanıstan (2,59 milyon nəfər) və Somali (1,1 milyon nəfər) sakinləri gəlir. Ötən beş ildə bütün dünya üzrə 15 yeni hərbi münaqişə, o cümlədən Nigeriya, Burundi və Yəməndə münaqişələr başlayıb.
UNHCR-nin icmalına əsasən, ötən il Aralıq Dənizi vasitəsilə Avropaya düşməyə çalışan köçkünlərin sayı da artıb – bu göstərici 219 min nəfərə çatıb. Bu zaman gəmi qəzaları ilə əlaqədar minlərlə insan dənizdə həlak olur.
Azərbaycanda Ermənistanın təcavüzü nəticəsində bir milyona yaxın qaçqın və məcburi köçkün var. -02D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz