Açiq mənbələrdən foto.
Böyük Şor gölündə ekoloji fəlakətin nəticələrinin aradan qaldırılması işləri davam etdirilir
Bakı/11.07.20/Turan: FHN və Ekologiya və Təbii Sərvətlər Nazirliyinin strukturları Böyük Şor gölünün səthini qalın təbəqə ilə örtmüş yanma məhsullarının təmizlənməsi üzrə işləri davam etdirirlər.
Xatırladaq ki, gölün zəhərlənməsinə səbəb iyulun 5-də yaxınlıqdakı “Sobsan” boya zavodunda baş vermiş yanğının söndürülməsindən sonra tullantı sularının gölə axıdılmasıdır.
Hazırda, bir neçə hektar səthin üzəri müxtəlif tullantılarla örtülüb.
FHN nümayəndələrinin sözlərinə görə, artıq 14 ton tullantı yığılıb ki, bu da utilizasiya üçün tullantı poliqonuna göndərilib.
Həmin mənbələrin məlumatına görə, ümumi çirklənmə sahəsi 3 hektara yaxın olub, bunun üçdə bir hissəsi təmizlənib.
Qeyd edək ki, Böyük Şor gölü bu yaxınlarda çoxillik tullantılardan təmizlənib və istirahət zonasına çevrilib. İyulun 5-də baş vermiş yanğından sonra ətraf qəsəbələrin sakinləri güclü üfunətdən şikayətləniblər. Suyun təhlili zamanı müəyyən edilib ki, göldəki zərərli maddələrin səviyyəsi normadan on dəfə artıqdır. -02D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz