Dərbənddəki azərbaycanlı miqrantlar.
- Söz istəyirəm
- 11 İyul 2020, 12:20
- 153
Azərbaycanın koronavirusla mübarizə tarixində rüsvayçı səhifə
Dağıstanda, Azərbaycan-Rusiya sərhəddinin yaxınlığında azərbaycanlılar üçün salınmış çadır düşərgəsində yaşananlar rəsmi Bakının pandemiya ilə mübarizəsində çirkli ləkə olaraq qalacaq. Rusiyada qalan və koronavirusa görə təcili olaraq evə qayıtmaq istəyən azərbaycanlılara qarşı rəsmi Bakının münasibəti lap əvvəldən yanlış oldu.
Bəli, RF-də səfirlik onlara elan etdi ki, sərhəddə toplaşmaq lazım deyil, hamı dərhal buraxılmayacaq, sərhəddə yüzlərlə adamın yaşaması üçün şərait yoxdur və onlar RF-də olduqları yerdə qalmalıdırlar və Azərbaycan səfirliyinin xüsusi saytında sərhəddi keçmək üçün dəvəti gözləməlidirlər. Bu, deyildi. Amma bilmək lazım idi ki, icra olunmayacaq – adamlar sərhəddə doğru can atır və düşünürlər ki, nə qədər yaxın olsa, bir o qədər tez olar.
Humanitar fəlakət baş verdi. Bu, növbəti ağılsız addımla möhkəmləndirildi - axı hamı deyirdi, ruslar da, bizim jurnalistlər də deyirdilər ki, əgər camaat Rusiya tərəfində toplaşıbsa, Azərbaycan orada çadır şəhərciyi yaratmalı və bu adamların saxlanmasını, tibbi nəzarətini öz üzərinə götürməlidir. Bakıda hər şey haqda danışırdılar, təkcə sərhəddə qalan vətəndaşlardan danışmadılar. Onların əziyyətləri barədə ancaq müstəqil KİV və İnternet- sosial şəbəkələr yazdılar.
Bakıdan çadır şəhərciyi göndərib, adamları orada yerləşdirmək üçün iyunun 15-də Dağıstanda 400-ə yaxın azərbaycanlının üsyan etməsi və onlarla adamın barmaqlıqlar arxasına düşməsi lazım idimi? Rusiyada həmin adamlara qarşı cinayət işi qaldırılıb. Bakı üsyandan sonra orada çadır düşərgəsini niyə yaratdı? Axı Azərbaycan güclü beyinləri ilə məşhurdur, bütün dünya onlara “həsəd aparır”, analoqu olmayan dövlət haradadır? Azərbaycanda özünü deputat adlandıran bir kimsə oraya getmədi ki, soydaşlarının dərdinə şəxsən əmin olsun və onların təcili ölkəyə qayıtması ilə bağlı qayğını öz üzərinə götürsün.
Dağıstanda uşaq hüquqları üzrə müvəkkil Marina Yejova çadır düşərgəsinə gəldi və onun səyləri sayəsində beş uşağı olan hamilə qadın növbəsiz buraxıldı. Uşaqlardan biri xəstədir. Bu hadisədən sonra Azərbaycanın Ombudsman Aparatına münasibətim çox pis oldu. Fərqi yoxdur, bu aparatın başında kim dayanır - bu hadisədən sonra Azərbaycanda insan hüquqları müvəkkili, hətta bu saxta təşkilatın sürücüsü adlanmaq pis, iyrənc, utandırıcıdır.
İyulun 10-da məlumat verilib ki, Dağıstanda 47 nəfər Azərbaycan vətəndaşında koronavirus aşkar edilib. Dərbənd rayonundakı çadır düşərgəsində 552 nəfər var, onlar Vətənə dönməyi gözləyirlər. Hər çərşənbə axşamı qrup şəklində növbə ilə ölkəyə buraxırlar. Bu xəstələnənlər (bəlkə də hamısı yox) pis şəraitdə yaşamaqdan, sıxıntıdan, adi sanitariya şəraitinin olmamasından yoluxublar.
Nə zamansa koronavirus hadisəsi tarixə çevriləcək və gələcəkdə ona rəng qatmaq, qayğıkeş hakimiyyət obrazı yaratmaq üçün Dağıstandakı düşərgə səhifəsi tez qapatılacaq. Ancaq unudulmayacaq. İnsanlar özlərinə qarşı belə münasibəti unutmurlar. Düzgün qərarları kim qəbul etməliydi? Kim və niyə bunu etmədi? Bu suallara cavab vermək lazım gələcək..
-
- Siyasət
- 11 İyul 2020 12:25
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz