Böyük Şor gölünün mənimsənilməsinə və təmizlənməsinə başlanılır

Dövlət başçısı Abşeron yarımadasının ən böyük gölü olan və Bakının kənarında yerləşən (Sabunçu və Binəqədi rayonları) Böyük Şorun idarə edilməsi və istifadə edilməsi ilə bağlı fərman verib.

İqtisadiyyat və Sənaye Nazirliyinə gölün bərpa olunmasını təmin etmək, istehsal və məişət tullantılarını aradan qaldırmaq və gələcəkdə rasional istifadə etmək, həmçinin onun saxlanılmasına nəzarəti həyata keçirmək tapşırılıb. 

«Azərsu» Açıq Səhmdar Cəmiyyətinə, Dövlət Neft Şirkətinə və Bakı meriyasına çirkab suların gölə axıdılmasının qarşısını almaq tapşırılıb. 

Nazirlər Kabinetinə bir ay müddətində gölün mühafizəsini müəyyənləşdirmək, Ekologiya Nazirliyinə gölə dair bütün sənədləri İqtisadiyyat Nazirliyinə vermək tapşırılıb. 

Fərmanda bu məqsədlər üçün hansı mənbədən və nə qədər vəsaitin ayrıldığı qeyd olunmur. Müddət də qeyd olunmayıb. 

Xatırladaq ki, dekabırn 23-də meriyada Bakının inkişaf planlarına həsr edilən iclasda İlham Əliyev bildirdi ki, Böyük Şoru iki yerə bölmək və ortadan körpünün salınması planlaşdırılır. Gölün ümumi sahəsi 1000 hektar təşkil edir və bu ərazidə geniş istirahət zonasının yaradılması planlaşdırılır. -02B-