Bakı/16.08.18/Turan: Avqustun 15-də Beynəlxalq Qızıl Xaç Komitəsi (BQXK) və ATƏT-in fəaliyyətdə olan sədrinin şəxsi nümayəndəsinin ofisinin vasitəçiliyi ilə Azərbaycan sakininin cəsədinin verilməsi mərasimi keçirilib.
Cəsəd avqustun 12-də cəbhənin Ağdam istiqamətində Azərbaycan və Ermənistan mövqelərinin arasındakı neytral zonada aşkar edilib. Ermənistan KİV-in məlumatına görə, bu barədə separatçı rejimin nümayəndələri bildiriblər.
Hərbi Əsirlər, Girovlar və İtkin Düşənlər üzrə Dövlət Komissiyası hələlik bu məlumatla bağlı bilgi verməyib.
BQXK Bakı nümayəndəliyindən Turan-a təsdiqləyiblər ki, bu təşkilatın nümayəndələri ATƏT-in fəaliyyətdə olan sədrinin şəxsi nümayəndəsinin ofisi ilə koordinasiya edilmiş şəkildə təmas xəttinə yaxın yerdə cəsədin götürülməsinə dəstək veriblər.
Əməliyyat müvafiq orqanların razılığı ilə həyata keçirilib.-05D06--
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz