Mr James Sharp. gov.uk
Bakı/12.11.19/Turan: Noyabrın 12-də Britaniya səfirinin iqamətgahında Azərbaycana səfər etmiş Britaniya Paraolimpiya Komitəsinin nümayəndə heyəti ilə görüş keçirilib.
Tədbirdə çıxış edən Böyük Britaniyanın Azərbaycandakı səfiri Ceyms Şarp Paraolimpiya hərəkatının tarixi barədə məlumat verib.
O deyib ki, bu hərəkat 1948-ci ildə İkinci Dünya Müharibəsində yaralanmış əsgərlərin iştirakı ilə oxatma idman növü ilə başlayıb.
"Daha sonra paraolimpiya oyunları qlobal hərəkata çevrilib ancaq bu gün də oxatma idman növü yenə də bu hərəkatın əsas sütunlarından biridir" səfir deyib.
Səfir eyni zamanda London Paraolimpiya oyunlarında azərbaycanlı iştirakçılarından danışıb. "Azərbaycanlı paraolimpiyaçılar ölkənizin qürur mənbəyidir. “ deyə səfir qeyd edib.
"Fiziki mədudiyyətli şəxslər üçün Azərbaycanın gördüyü işlər bizi sevindidir və bu insanların naliyyətləri valehedicidir" səfir vurğulayıb.
Daha sonra tədbirə qatılan Böyük Britaniya Paraolimpiya Komitəsinin nümayəndəsi Toni Seynsburi çıxış edib. O, Britaniya səfirliyi və Azərbaycan Paraolimpiya komitəsi arasında əməkdaşlığın uğurlu nəticələrinin olacağını deyib.
Tədbirdə çıxış edən Azərbaycan Paraolimpiya Komitəsinin sədri İlqar Rəhimov Heydər Əliyev Fondu və Paraolimpiya Komitəsinin təşkilatçılığı ilə noyabrın 13-də baş tutacaq "Yenilməzlər" qala tədbiri barədə məlumat verib. Komitə sədri bildirib ki, bu tədbirə Pakistandan, Moldovadan və digər ölkələrdən qonaqlar qatılacaq.
I.Rəhimov qeyd edib ki, Azərbaycan paraolimpiyaçıları 2020-ci ildə keçiriləcək Tokyo oyunlarına səylə hazırlaşırlar. London Oyunlarını xatırladan Komitə sədri bu oyunların Azərbaycan Paraolimpiya tarixində ən uğurlu oyunlar olduğunu diqqətə çatıdırıb.
Tədbirdə "British Council"in layihələrində iştirak etmiş fiziki məhdudiyyətli şəxslər çıxış edərək bu layihələrdəki təcrübələri və fikirləri barədə danışıblar.-0-
Cəmiyyət
-
"Koroğlu" metrostansiyasının cənub çıxışında nəqliyyat mübadilə mərkəzi yaradılması ilə bağlı Azərbaycan Yerüstü Nəqliyyat Agentliyi (AYNA) tərəfindən layihə hazırlanaraq Nəqliyyatı Əlaqələndirmə Şurasına təqdim olunub və müvafiq qaydada razılaşdırılıb.
-
Mayın 3-də Bakıda və Abşeron yarımadasında temperaturun aşağı düşəcəyi və havanın yağıntılı olacağı gözlənilir. Sinoptiklərin proqnozuna görə, cümə günü axşam yağış yağacağı gözlənilir. Güclü şimal-qərb küləyi əsəcək.
-
Mayın 1-də ABŞ Maliyyə Nazirliyinin açıqladığı sanksiya siyahısında 60 şirkətin adları var və Rusiya ilə yanaşı Azərbaycan, Belçika, Çin, Birləşmiş Ərəb Əmirlikləri (BƏƏ), Slovakiya və Türkiyə şirkətləri də sanksiyalar altına düşüb.
-
Azercell-in həssas qadın qrupları üçün təşkil etdiyi təlimlər davam edir Azercell və “Ümidli Gələcək” İB-in “Gələcəyi öz əllərinlə yarat” layihəsi çərçivəsində növbəti təlim baş tutub. “Təmiz dünya” Qadınlara Yardım İctimai Birliyinin sığınacağında keçirilmiş təlimə yetkin qadınlarla yanaşı həm də yeniyetmə və gənc qızlar qatılıb. Təlimdə Azercell Akademiyasının mütəxəssisləri iştirakçılara “yumşaq bacarıqlar” - daxili motivasiya, ünsiyyət, empatiya, emosional zəka barədə məlumat veriblər. Qadın sığınacağının sakinləri isə öz növbələrində hədəfləri, karyera və təhsil planları barədə mütəxəssislərdən tövsiyələr alıblar.
Rəy yaz