Bakı/04.03.20/Turan: Bu gün səhər Brüsseldə Azərbaycanlı siyasi mühacirlərin AND ("Azərbaycanda demokratiya uğrunda hərəkat") təşkilatının üzvü Fuad Əkbərov saxlanılıb. O, Azərbaycanın İnterpol-a verdiyi sorğu əsasında saxlanılıb. Əkbərov Belçika polisinə təhvil verilib. Bu barədə AND-ın məlumatında deyilir.
Təşkilat Azərbaycan hakimiyyətinin bu addımını Azərbaycanlı siyasi mühacirləri birləşdirən AND-ın fəaliyyətindən narahatlığının təzahürü kimi qiymətləndirir.
AND hesab edir ki, Əkbərova qarşı ehtimal olunan ittihamlar saxta və siyasi səbəblərə bağlıdır.
Təşkilat qeyd edir ki, Əkbərov Azərbaycan vətəndaşı olsa da, Almaniyadan siyasi sığınacaq alıb və onun Bakıya təhvil verilməsi qeyri-mümkündür.
AND Əkbərovun tezliklə azad edilməsi üzrə addımlar atır.
Təşkilatın müraciəti Belçika DİN-ə və İnterpola da göndərilib. -06D-
Cəmiyyət
-
"Gələn il Azərbaycan növbəti böyük idman yarışına ev sahibliyi edəcək, bu da MDB Oyunlarıdır. Üçüncü MDB Oyunları Azərbaycanda keçiriləcək". Bunu, dekabrın 24-də 2024-cü ilin idman yekunlarına həsr olunan mərasimdə prezident İlham Əliyev söyləyib.
-
Dekabrın 28-də Bakıda və Abşeronda yağış gözlənilir. Şimal-cənub küləyi şimal-qərb küləyinə keçəcək. Havanın temperaturu gecə müsbət 5 +8, gündüz müsbət 8 + 10 dərəcə olacaq. Rütubət 80-90 faiz olacaq.
-
Dekabrın 25-də "Azərbaycan Hava Yolları" QSC-nin (AZAL) Bakı–Qroznı reysini yerinə yetirən "Embraer 190" tipli sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Azərbaycanın Aktau şəhərindəki Baş konsulu Ayxan Süleymanlı deyib ki, təyyarədə ekipaj üzvləri ilə birlikdə 67 nəfər uçub, onlardan 38 nəfər həlak olub. Onun vurğulamasına görə, ölənlərin 26-sı Azərbaycan vətəndaşlarıdır.
-
Dekabrın 27-də Bakıda və Abşeronda yağış yağacağı, bəzi yerlərdə intensiv olacağı gözlənilir. Cənub-şərq küləyi əsəcək. Havanın temperaturu gecə 7-9 dərəcə, gündüz 9-11 dərəcə olacaq. Nisbi rütubət 70-80% təşkil edəcək..
Rəy yaz