![Bu gün Yel çərşənbəsi qeyd edilir](https://turan.az/resized/750/500/resize/media/2015/main/031000109264.jpg)
Bu gün Yel çərşənbəsi qeyd edilir
Azərbaycanda Novruza qədərki 4 çərşənbədən üçüncüsü olan yel çərşənbəsi qeyd edilir.
Buna qədərsə su və od çərşənbələri qeyd edilib. Yel çərşənbəsinə adətən “külək oyadan” çərşənbə deyilir. Novruz inanclarına görə, yel çərşənbəsi oyanan suyu və odu hərəkətə gətirir. Yenə də inanca görə, yel çərşənbəsi torpaq altındakı “qara nəhr”də yatan ağ libaslı ağ yeli, qara libaslı qara yeli, göy libaslı xəzrini, qırmızı libaslı giləvarı yer üzərinə çıxarır.
Yel Azərbaycan mifik təfəkküründə yol göstərən, bələdçi rolunu da yerinə yetirir. Düşüncədə əldən düşmüş qoca şəklində peyda olan Yel baba qalın meşələrdə azıb mənzilini tapmaqda çətinlik çəkən xeyirxah insanların qarşısına çıxaraq onlara bir yumaq verir və diyirlətməyi tələb edir. Yel babanın üfürməsi ilə yumaqlar açılır və azanları mənzil başına çatdırır.
Azərbaycanlıların qədim təsəvvürlərinə görə, Yel baba gəlməzdən öncə oradan buğda, dən götürməzlər, sovrulmamış buğda götürənin itkisi, sovrulandan sonra ilk buğda götürənin isə qazancı olar. Yel çərşənbəsi girən gün söyüd ağacının altına gedib niyyət etmək və Yel babanı çağırmaq kimi məqam var. Əgər Yel baba söyüdün budaqlarını torpağa toxundursa diləklər yerinə yetər.
Yel çərşənbəsi günü tonqallar qalanır, evlərdə südlü plov və ya bulğur aşı bişirilir. Süfrəyə daha çox quru meyvə və dənli bitkilərdən hazırlanmış çərəzlər düzülür. Qadınlar axır çərşənbə üçün hazırlıq görürlər. Ev əşyaları təmizlənir, xalça-palaz çırpılır, yorğan-döşək havaya verilir. Xanımlar uşaqlar üçün təzə paltar biçib-tikir. Qız-gəlinlər qoz-fındığı ləpələyib şirniyyat hazırlığı tədarükü görürlər. -05D-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz