Bu gecədən etibarən Ramazan ayının Əhya və ya Qədr gecələri başlayır.
Bu gecələr Ramazan ayının orucluğunda gecədən başlayaraq sübh azanına kimi oyaq almağı, dualar etməyi, Allahu-Təaladan bağışlanmağı istəməyi özündə ehtiva edən əməllər tələb edir.
İslam böyüklərinin dediyinə görə, Qədr gecəsi “Quran-i-Kərim”in Yer üzünə nazil olması günüdür və Ramazan ayının son 10 gününün tək gecələrinə təsadüf edir. Bu baxımdan 19-cu, 21-ci, 23-cü gecələrdən birinin Qədr gecəsi olması ehtimalı çox böyükdür.
Odur ki, iyulun 16-dan 17-nə keçən gecə və ya Ramazanın 18-dən 19-na keçən gecə ilk əhyadır. Bu əhya (əhya sözü oyaq qalmaq deməkdir) zamanı oruc tutan dindarlar məscidlərə toplaşır, “Quran” kitabları başlar üstündə açıq tutulur, Allahdan əmin-amanlıq, huzr, sakinlik və s. Kimi istəklər təvəqqəyə gəlir.
Bundan əlavə, bütün dindarlar birlikdə cəm dualar edərək, cənabi Həqdən istəklərini dilə gətirirlər. Beləliklə, Qədr gecələriniz mübarək, ehtiramlı dindarlar! Allah-Təala dua və diləklərinizi qəbul etsin.-05B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz