Bakı/05.12.19/Turan: Dünən Azərbaycan SQ-nin kapitanı Abbas Məlikzadə ürək çatışmazlığından dünyasını dəyişib. Müdafiə Nazirliyindən Turan-a verilən məlumata görə, zabit özünü pis hiss edib və tibb məntəqəsinə müraciət edib. O, hospitala göndərilib, amma yolda dünyasını dəyişib.
Öz növbəsində, "Xəzər" Hərbi Araşdırmalar Mərkəzi bildirir ki, dekabrın 4-nə qədər ölkənin təhlükəsizlik və müdafiə sahəsində 46 nəfər dünyasını dəyişib.
9 hərbiçi cəbhə xəttində Ermənistan tərəfindən açılan atəş nəticəsində həlak olub, 4 hərbiçi xəstəlikdən, 3 nəfər bədbəxt hadisə nəticəsində dünyasını dəyişib.
12 hərbiçi naməlum səbəblərdən, 7 nəfər avtomobil qəzalarında, 4 nəfər mina və ya mərmi partlaması nəticəsində həlak olub.
İki nəfər ehtiyatsızlıqdan, bir nəfər isə nizamnamədənkənar münasibətlər nəticəsində həlak olub. İki nəfər intihar edib, bir nəfər sərhəd pozucuları ilə atışma zamanı həlak olub.
46 nəfərin 24-ü əsgər, 5-i gizir və kiçik çavuş, 12-si zabit, 5-i müddətdən artıq hərbi xidmət keçən hərbi qulluqçu olub.
40 nəfər Müdafiə Nazirliyinin, altı nəfər Sərhəd Xidmətinin hərbi qulluqçusudur.
Müdafiə Nazirliyi ölüm hallarının 28-i haqqında məlumat verməyib, Sərhəd Xidməti isə altı hadisədən ikisinə aydınlıq gətirib.
Bu müddət ərzində 18 hərbi qulluqçu yaralanıb. 8 nəfər mərmi partlayışından, 5 nəfər erməni gülləsindən, 4 nəfər sərhəd pozucuları ilə atışmada, 1 nəfərsə naməlum səbəbdən xəsarət alıb. -03D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz