Bakı/16.12.17/Turan: Bir müddət əvvəl həbsdən azad edilmiş jurnalistin 200 min manat cərimələnməsi istənilir. Söhbət ötən ilin sonunda böhtanda təqsirləndirilərək həbs edilən, vaxtından əvvəl azad edilən realliq.az saytının redaktoru İkram Rəhimovdan gedir.
Jurnalisti "Az-Qranata" Məhdud Məsuliyyətli Cəmiyyəti məhkəməyə verib. Bu haqda İ.Rəhimovun özü bildirib.
"Adı çəkilən müəssisə realliq.info saytında yayılmış "Az-Qranata"nın məhsulları həyat üçün təhlükəlidir" sərlövhəli yazıdan narazı qalıb. Şirə, içki istehsalı sahəsində tanınan müəssisə həmin məqalə ilə işgüzar nüfuzuna ziyan dəydiyini iddia edir.
"Az-Qranata" Masallı rayon Məhkəməsinə müraciət edib.
Məhkəmədən xahiş edilir ki, jurnalistin və realliq.info saytının üzərində qeyd olunan məqaləni təkzib etmək, "Az-Qranata"dan üzr istəmək vəzifəsi qoysun.
Bundan əlavə saytın və jurnalistin birlikdə 200 min manat cərimə ödəməsi tələb olunur.
İ.Rəhimov iddiaları rədd edir.
"Az-Qranata"nın iddiası məhkəmədə icraata qəbul edilib. Hakim Firdovsi Əliyevin icraatına verilmiş iddia üzrə məhkəmə dekabrın 18-də başlayacaq.
Realliq.az saytının redaktoru İkram Rəhimov 2016-cı ildə Sumqayıtdakı "Ucuz market" ticarət mərkəzinin rəhbərinin xüsusi ittiham qaydasında şikayəti əsasında həbs olunmuşdu.
İ.Rəhimov saytda R.Novruzov soyadlı bir şikayətçinin məktubunu dərc edib. Məktubda iddia olunub ki, həmin ticarət rəhbəri şəhərin icra hakimiyyəti başçısına rüşvət verib.
Sumqayıt Şəhər Məhkəməsi ötən ilin noyabrında həm redaktoru, həm də ona şikayət məktubu yazan Rəhman Novruzovu Cinayət Məcəlləsinin 147.1-ci (böhtan) maddəsi ilə günahkar bilərək, bir il azadlıqdan məhrum edib.
Redaktor mühakimə edildikdən sonra vəkili vasitəsilə, hələ polisdə saxlanarkən şəhər rəhbərliyinin göstərişi ilə ona işgəncə verildiyini açıqlamışdı.
Daxili İşlər Nazirliyi, eləcə də, Sumqayıt şəhər İcra Hakimiyyəti redaktorun bu fikirlərini təkzib etmişdi.
Sumqayıt Apellyasiya Məhkəməsi martın 1-də böhtanda təqsirləndirilərək həbs edilmiş redaktoru və mediaya müraciət yazmış vətəndaş Rəhman Novruzovu vaxtından əvvəl məhkəmə zalından azadlığa buraxıb.
İ.Rəhimovun işi üzrə yerli məhkəmələrin qərarlarından Avropa Məhkəməsinə şikayət edilib.
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz