Cahangir Hacıyevin daşınmaz əmlakının satışından əldə edilən pul Azərbaycana qaytarıla bilər
London/12.10.18/Turan: Britaniya mətbuatı Azərbaycanda 15 il müddətinə azadlıqdan məhrum edilmiş Azərbaycan Beynəlxalq Bankının keçmiş sədri Cahangir Hacıyevin əmlakı haqqında işi müzakirə etməyə davam edir.
Londonda iki fərdi ev və qolf klubunun bir hissəsi saxta şirkətlərin adına sənədləşdirilib və bankirin həyat yoldaşı Zamirə Hacıyeva tərəfindən idarə olunurdu.
Böyük Britaniyanın Milli Cinayətkarlığa qarşı Mübarizə Agentliyi (NCA) bu daşınmaz əmlakın müsadirə edilməsi xahişi ilə məhkəməyə müraciət etmək niyyətindədir, bu barədə NCA rəhbəri Donald Tun BBC-yə bildirib.
"İlkin olaraq əldə edilən vəsait Böyük Britaniyanın mülkiyyəti olacaq, onların sonrakı taleyi isə Britaniya hökuməti ilə pulun mənşə ölkəyə repatriasiyası mümkünlüyü haqqında müzakirə predmetidir", deyə Tun bildirib.
Əmlak müsadirə edilibsə və hərracda satılıbsa, bu, keçmiş mülkiyyətçini təqsirkar etmir. Amma hakimiyyət mülkiyyət sahibinin onları aldatmağa çalışdğını hesab edərsə, cərimə və həbslə nəticələnə biləcək cinayət işi açıla bilər, deyə BBC icmalçısı qeyd edir.
Xatırladaq ki, Cahangir Hacıyev Londondakı mülkiyyəti offşor şirkətlərin adına sənədləşdirib. Məhkəmədə onun həyat yoldaşı bildirib ki, əri ümumi dəyəri 28 mln. dollar olan evləri və torpağı qazandığı pulla alıb, baxmayaraq ki, onun rəsmi əmək haqqı buna imkan vermir.
2015-ci ildə Hacıyev və onun tabeliyində olan daha bir neçə şəxs həbs edilib və Beynəlxalq Bankın vəsaitindən 200 mln. dollardan çoxunu mənimsəmək ittihamı ilə mühakimə edilib. -02D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz