Nazim Bəydəmirli
Cəmil Həsənli DİN-in Nazim Bəydəmirlinin saxlanılması haqqında versiyasını absurd adlandırıb
Bakı/05.07.23/Turan: Keçmiş deputat Nazim Bəydəmirlinin pul tələb etməyə görə saxlanılması tamamilə absurddur. Onun söyüdlü kəndində iğtişaşlarla bağlı prinsipial mövqeyi, xüsusən yerli sakinlərin tələblərinin əsaslı olması haqqında bəyanatları ilə əlaqədar saxlanılması şübhə doğurmur. Bu fikri Demokratik Qüvvələrin Milli Şurasının sədri Cəmil Həsənli öz Facebook səhifəsində yazıb.
"Nazim Bəydəmirli əslən Gədəbəydən olan çox az ziyalılardandır ki, Söyüdlü etirazlara baş verəndən az sönra – iyun ayının 22-də jurnalist Turan Agentliyinin müxbiri Kamran Mahmudovun "Çətin sual" proqramında Söyüdlüdəki qızıl email müəssisənin əhali, flora və fauna üçün törətdiyi təhlükələri bütün çılpaqlığı ilə ortaya qoymuşdu. Sianid gölülün təhlükəli fəsadlarını açmışdı. Bu müəssisənin qurulma tarixinin tam mənzərəsini yaratmışdı", deyə Həsənli qeyd edib.
"Daxili İşlər nazirliyinin açıqlamasında göstərilir ki, güya Nazim bəy vətəndaşın müraciəti əsasında araşdırmaya cəlb edilib. Bəyəm hər araşdırmaya cəlb edilən adamı "Bandotdelə" aparırlar?", deyə Həsənli yazır.
Həsənli polisin Bəydəmirliyinin kimisə "şantaj etməsi" haqqında iddialarını cəfəng adlandırıb.
"Nazim Bəydəmirli çox mədəni, intellektli, mənəvi cəhətdən sağlam, vətənpərvər bir ziyalıdır. Mən onunla birlikdə 5 il Milli Məclisdə birgə işləmişəm. O, ölkənin maraqlarını, xalqın maraqlarını hər şeydən uca tutan, öz seçicilərinin və bütövlükdə millətin qayğıları ilə yaşayan bir millət vəkili idi", deyə Həsənli qeyd edib.
"DİN Nazim bəyə qarşı niyə belə "natəmiz" açıqlama yayıb. Türklər demiş alt yapı hazırlanır. Deməli Nazim bəy haqqında uzaq gedən planlar var. Belə "natəmiz" açıqlama ilə Nazim Bəydəmirlini ictimaiyyətin və xalqın nəzərində gözdən salırlar, onu ictimaiyi dəstəkdən məhrum etmək məqsədi güdülür. Çünki Nazim Bəydəmirlinin cəmiyyətdə müsbət obrazı var. Nazim bəy yüksək milli, mənəvi və əxlaqi keyfiyyətlərə malik bir ziyalıdır, doğru-dürüst bir iş adamıdır.
Nazim bəy iqtisadçı alımdir, Bəydəmirli ölkənin çoxlarına örnək olacaq iş adamlarından biridir. Bəlkə də 10 ildən çoxdur onunla görüşmürəm. Amma onun fəaliyyətini izləyirəm. Öz fikrini açıq deyən, internet teleproqramda tez-tez debatlara çıxan, ölkənin social-iqtisadi həyatı ilə bağlı həqiqətləri səsləndirən çox az iş adamlarındandır Nazim Bəydəmirli. Məsələn çıxışlarının birində deyirdi ki, "Azərbaycanda uzun müddət bərqərar olmuş, indi də davam edən eybəcər idarəçiliyin yaradıcılarından biri Prezident Administrasiyasının rəhbəri Ramiz Mehdiyev olmuşdur. Bu eybəcər idarəçilik regionçuluğun, yerlibazlığın, qohumbazlığın, rüşvətin və korrupsiyanın üzərində bərqərar olub. Bu elementlər davam edir və həmişədə davam edəcək. O vaxta qədər ki, şəffaf idarəetmə olmayacaq”. Kör da bilir balıq şordur. DİN nə deyirsə, desin Bazim Bəydəmirlinin saxlanması birmənalı olaraq Söyüdlü etirazları ilə bağlıdır", deyə Həsənli vurğulayır. 06D
-
- İqtisadiyyat
- 5 İyul 2023 13:15
Cəmiyyət
-
Lider mobil operator ən yeni texnologiyaları abunəçiləri üçün əlçatan etməyə davam edir. Apple Inc.” şirkətinin Azərbaycandakı eksklüziv telekommunikasiya tərəfdaşı olan “Azercell Telekom” MMC yeni nəsil “iPhone” smartfonlarını təqdim edir. Oktyabr ayının 4-dən etibarən yeni “iPhone 16” smartfonlarını Azercell Eksklüziv mağazalarından əldə etmək mümkündür.
-
Oktyabrın 7-də saat 13:50 radələrində TƏBİB-ə (Tibbi Ərazi Bölmələrini İdarəetmə Birliyi) 8-ci Köndələn küçəsində yerləşən qazanxanada partlayış haqqında məlumat daxil olub.
-
Milli Məclisin (MM) 43 deputatı oktyabrın 5-də Azərbaycan xarici işlər naziri Ceyhun Bayramova müraciət edərək, Amerika Birləşmiş Ştatları (ABŞ) ilə münasibətlərə yenidən baxılması və müdafiə sahəsində əməkdaşlığa dair sazişlərə xitam verilməsini istəyib.
-
Bazar günü yerli mənbələr mədəni əhəmiyyətə malik olan Şuşa şəhərində təpənin zirvəsində yerləşən tarixi Qazançı kilsəsinin bərpasının başa çatdığını təsdiq ediblər. Bərpa layihəsinin başa çatmasına baxmayaraq, Azərbaycanın Mədəniyyət Nazirliyi hələlik işlərlə bağlı rəsmi bəyanat yaymayıb.
Rəy yaz