Bakı/18.05.22/Turan: Mingəçevirdə saxlanılan Azərbaycan Xalq Cəbhəsi Partiyasının (AXCP) fəalı Ceyhun Rzayev axşam saatlarında şəhər polis idarəsindən sərbəst buraxılıb.
Bu barədə Turan-a AXCP Mingəçevir şöbəsinin rəhbəri Elşən Abdullayev məlumat verib.
Onun sözlərinə görə, R.Rzayev polisi idarəsindən çıxandan sonra bildirib ki, qanunsuz əməl törətdiyinə dair sübut olmadığından sərbəst buraxılıb.—21B06-
* * *
2022 May 17 (Çərşənbə axşamı) 18:58:36
AXCP Mingəçevir şöbəsinin fəalı Ceyhun Rzayev saxlanılıb
Bakı/17.05.22/Turan: Mayın 17-də Azərbaycan Xalq Cəbhəsi Partiyasının Mingəçevir şöbəsinin fəalı Ceyhun Rzayev saxlanıldığı bildirilir.
Partiyadan verilən məlumata görə, onu mülki geyimli şəxslər saxlayıb. "Ceyhun bəy bu gün qızını məktəbdən götürərkən 3 nəfər tərəfindən saxlanılıb. Qızına isə deyiblər ki, sən get evə atan tezliklə evə qayıtmayacaq".
AXCP-dən əlavə olunub ki, Ceyhun Rzayev mayın 14-də Bakıda "Kriminal dövlət istəmirik" adlı aksiyasına dəstək olaraq Mingəçevirdə təkadamlıq aksiya keçirib saxlanılmışdı, sonra isə sərbəst buraxılıb.
Daxili İşlər Nazirliyinin Mətbuat xidmətinin KİV və İctimaiyyətlə əlaqələr şöbəsinin rəisi Elşad Hacıyev Turana bildirib ki, özünü Azərbaycan Xalq Cəbhəsi Partiyasının üzvü kimi təqdim edən və əvvəllər Cinayət Məcəlləsinin 182, 234, 243 və 244-cü maddələri ilə məhkumluq həyatını yaşayan Ceyhun Rzayev narkotik vasitələrin qanunsuz dövriyyəsində şübhəli bilindiyi üçün saxlanılıb. "Hazırda onun barəsində müvafiq araşdırma aparılır. Araşdırma nəticəsindən asılı olaraq əməli tövsif olunacaq".
E.Hacıyev vurğulayıb ki, C.Rzayevin saxlanmasında heç bir siyasi motiv yoxdur. –21В-
Cəmiyyət
-
Vəkil Aqil Layıc Bakı Apellyasiya Məhkəməsinin sədri Mübariz Əkbərovu idarəçilikdə özbaşınalıqda ittiham edərək, Prezident İlham Əliyevdən müdaxilə etməyi xahiş edib. Layıc öz narahatlığını Facebook paylaşımında ifadə edərək bildirib ki, Əkbərovun rəhbərliyi altında hüquqi müdafiə “formal səviyyəyə” endirilib.
-
İnnovasiya və sürət lideri “Bakcell” inklüzivliyə dəstək strategiyası çərçivəsində "Birgə və Sağlam" İctimai Birliyi tərəfindən yaradılan “Kaşalata” kafedə “İnnovasiyalarla Müxtəlifliyə Doğru” adlı tədbir təşkil edib. Tədbirin məqsədi "Bakcell" ilə “Birgə və Sağlam” İctimai Birliyi arasındakı tərəfdaşlığın qeyd olunması və kafedə çalışan gənclərlə görüş olub.
-
Azərbaycan Nazirlər Kabineti 1999-cu ildə təsdiq edilmiş və yol hərəkəti qaydalarının pozulmasına görə cərimələrdən əldə edilən vəsaitlərin bölüşdürülməsinə dair qaydalara düzəlişləri təsdiq edib. 2025-ci il yanvarın 23-də imzalanan və №14 saylı qərar formasında rəsmiləşdirilən bu dəyişikliklər, Bakı şəhərinin inzibati ərazisində yol hərəkətinin idarə edilməsinin təkmilləşdirilməsi ilə bağlı prezident fərmanlarına uyğunlaşdırma məqsədi daşıyır.
-
Yanvarın 25-də paytaxtda hava dəyişkən olacaq. Gecə və səhər yerlərdə zəif yağıntı olacaq. Şimal-qərb küləyi əsəcək. Havanın temperaturu gecə müsbət 4 +6, gündüz müabət 7 + 10 dərəcə, rütubət 70-80 faiz olacaq.
Rəy yaz