Cinayət Məcəlləsinə 300-ə yaxın düzəliş qəbul edilib
Bakı/20.10.17/Turan: Bu gün Milli Məclis Azərbaycan Cinayət Məcəlləsinə 300-ə yaxın düzəlişi qəbul edib. Düzəlişləri parlamentə dövlət başçısı qanunvericilik təşəbbüsü qaydasında göndərib.
Düzəlişlər vurulmuş ziyan ödənildiyi halda bir sıra iqtisadi cinayətlərə görə cinayət məsuliyyətindən azad edilməni nəzərdə tutur.
Yeniliklərə əsasən, 178.1 (fırıldaqçılıq, yəni aldatma və ya etibardan sui-istifadə yolu ilə başqasının əmlakına sahib olma), 179.1 (mənimsəmə və ya israf), 186.1 (başqasının əmlakının qəsdən məhv edilməsi və ya ziyan vurulması), 187 (ehtiyatsızlıqdan əmlakın məhv edilməsi və ya ziyan vurulması), 189-1.1-ci (təbii qaz, elektrik enerjisi və ya istilik şəbəkələrinə qanunsuz qoşulma yolu ilə enerji resurslarının oğurlanması) maddələrlə təqsirləndirilən şəxslər zərərçəkmişlə razılıq əldə etsələr və vurulmuş ziyanı ödəsələr cinayət məsuliyyətindən azad ediləcəklər.
CM-in hazırki redaksiyasında qeyd edilən cinayətlər cərimə və ya iki ilə qədər islah işləri ilə cəzalandırılır.
Yuxarıda qeyd edilən əməllər nəticəsində böyük ziyan vurulsa belə vurulan ziyanı ödəyən və dövlət büdcəsinə bu məbləği ödəyən şəxs cinayət məsuliyyətindən azad edilir.
Hazırda bu əməllərə görə pul cəriməsi və ya 7 ilə qədər azadlıqdan məhrumetmə cəzası tətbiq edilir.
Mütəşəkkil qrup tərkibində eyni əməllərə görə cinayət məsuliyyətindən azad olmaq üçün dövlət büdcəsinə bu ziyanın iki qatını ödəmək, habelə zərərçəkmişə dəyən ziyanı ödəmək lazım gələcək.
Düzəlişlərə əsasən, CM-in 209 (gömrük haqlarının ödənişindən yayınma) və 213-cü (vergi ödənişindən yayınma) maddələri ilə ittiham olunanlar da ziyanı ödədikdən sonra cinayət məsuliyyətindən azad ediləcək. Hazırda bu əməllər cərimə və ya 3 ilədək azadlıqdan məhrumetmə ilə cəzalandırılır.06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz