Cəmil Həsənli ABŞ-da Azərbaycandakı siyasi vəziyyətdən danışıb
Vaşinqton/20.10.17/Turan: Demokratik Qüvvələrin Milli Şurasının (DQMŞ) sədri Cəmil Həsənli bildirib ki, Azərbaycanda müxalifətçi siyasətçilərə və fəallara qarşı davam etməkdə olan təqiblər ölkə hüdudlarından kənarda da vurus kimi yayılır.
C.Həsənli bu həftə ABŞ-da rəsmi şəxslərlə görüşündə diqqəti Gürcüstanda və Ukraynada azərbaycanlı fəalların təqib edilməsinə yönəldib.
Milli Şura rəhbərləri Azərbaycandakı siyasi vəziyyəti müzakirə etmək üçün ABŞ paytaxtına gediblər.
Səfər azərbaycanlı müxalifətçi jurnalist Fikrət Hüseynlinin Azərbaycan hökumətinin sorğusu əsasında İnterpol tərəfindən Ukraynada həbs olunmasından bir neçə gün sonra baş tutub. Hazırda F.Hüseyli Niderland vətəndaşıdır. O, Avropada mühacirət telekanalı olan "Turan" TV-nin bürosunu yaratmaq istəyirmiş.
Digər jurnalist Əfqan Muxtarlı may ayında Gürcüstanda oğurlanaraq Azərbaycana qaytarılıb.
Bunlar göstərir ki, Azərbaycan hökuməti təkcə Vətəndə deyil, həm də geniş regionda hökumət kanalları və İnterpol kimi digər beynəlxalq qurumlar vasitəsilə Qərb dəyərlərini poza bilər, C.Həsənli bildirib.
O, ABŞ-ı Azərbaycanda insan hüquqlarını pozanlara qarşı ən yüksək səviyyədə sanksiyaların tətbiqinə çağırıb.
"Mən Azərbaycanda dəyişiklik etmək üçün ABŞ hökuməti tərəfindən hər hansı kömək və ya maddi dəstək istəmək fikrində deyiləm. Bu, bizim mübarizədir", - C.Həsənli vurğulayıb.-0-
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz