Bakıda Amerika təhsil sərgisi
Bakı/20.10.17/Tursan: ABŞ-ın Azərbaycandakı səfirliyi Bakıda Amerika təhsil sərgisi təşkil edib. ABŞ-ın Azərbaycandakı səfirliyinin mətbuat üçün açıqlamasında deyilir ki, sərgi Beynəlxalq Təhsil üzrə Amerika Şurası və Education USA-nın dəstəyi ilə həyata keçirilir.
Sərgidə məqsəd ABŞ universitetlərində təhsil almaq imkanları, akademik təqaüd, maddi yardım və ərizə prosesi ilə bağlı vətəndaşları məlumatlandırmaqdır.
Sərgiyə gələnlər və ABŞ universitetlərinin təmsilçiləri ilə görüşən səfir Robert Sekuta bildirib ki, ABŞ ilə Azərbaycan arasındakı 25 illik diplomatik münasibətlər dövründə Amerikanın müxtəlif dövlət proqramları çərçivəsində 7 min azərbaycanlı ABŞ-da təhsil alıb.
Onun sözlərinə görə, təhsil sərgisində ABŞ-ın müxtəlif sahələrini təmsil edən 11 müxtəlif təhsil müəssisəsinin nümayəndələri iştirak edir.
"Sərgidə məqsəd azərbaycanlılara ABŞ-da təhsil almağın yollarını göstərmək və bu sahədə kömək etməkdir. Tələbələr ABŞ-da incəsənət, xarici dillər, texnologiya sahəsində təhsil almaqla həm ölkələr arasında körpü salır, həm də öz ölkələrinin inkişafına töhfə vermiş olurlar".
Səfirin sözlərinə görə, son illər ABŞ-da təhsil almaq istəyənlərin sayı artır. -03C-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz