Çoxsaylı internet resursları arasında - ilk

Azərbaycan internet məkanında yeni multimedia portali fəaliyyətə başlayır. 

“Myworkroom.net” saytı Azərbaycanda yaşamış və yaşayan ictimai xadimlərlə videomüsahibə və fotolara geniş yer verir. Bu sayt Azərbaycanda ilk multimedia portalıdır.  

Resurs müsahibələrin peşələrindən kənar həyatlarını, düşüncələrini ön plana çıxarmağa çalışır. Çəkilişlər əsasən müsahiblərin çalışma otaqlarında aparılıb. Bu üsul müsahib şəxsin əşyalarnı belə onun haqqında informasiya mənbəyinə döndərir. Müsahibin oxuduğu kitablar, kolleksiyası, şəxsi fotoları kimliyini ortaya qoyur. İnternet resurs çalışma otağını, burada müsahibə aid dəyərli olan əşyarları ön plana çıxarmaqla şəxsin xarakterini açmağı hədəf seçir.

Hazırda Azərbaycanda çoxlsaylı saytlar fəaliyyətdədir. Bütün sahələri əhatə edən elmi, siyasi, sosial, əyləncə və s. saytlar var. Amma multimedia tipli sayt baxımından “myworkroom.net” ilkdir.

Saytın yaradıcıları bu resursun Azərbaycan internet məkanında öz yeri olacağı düşüncəsindədirlər. Portalın maraqlı olması və izləyicini yormaması üçün səy göstərilib.

Sayt əyləncə xarakterli deyil. İnternet resursu daha çox müsahiblərin alternativ fikir, düşüncə, baxışlarını önə çıxarmağa üstünlük verir. 

Saytın ingilis dilində versiyasının hazırlanmasında məqsəd isə xaricdə yaşayan azərbaycanlılarda, eləcə xarici vətəndaşlarda Azərbaycan şəxsiyyətləri barədə hərtərəfli fikir formalaşdırmaqdır.-05D-