Bakı/15.08.22/Turan: Balakən Rayon Polis Şöbəsinin əməkdaşlarının və Daxili Qoşunların hərbi qulluqçularının birgə keçirdikləri əməliyyatlar zamanı narkotiklərin qanunsuz dövriyyəsi, kultivasiyası ilə məşğul olan ümumilikdə 7 nəfər saxlanılıb. Bu barədə Daxili İşlər Nazirliyinin (DİN) məlumatında deyilir.
Yüksək dağlıq ərazilərdə keçirilən “Darama” əməliyyatları zamanı 3 narkotik plantasiyası aşkar edilib.
Həmin plantasiyaları salan şəxslərdən yaş halda çəkisi 900 kiloqram olan 1098 ədəd narkotik tərkibli çətənə kolu,13 kiloqrama yaxın qurudulmuş marixuana, 2 ədəd ov tüfəngi və həmin silaha aid patronlar aşkar olunub.
Keçirilən növbəti tədbir nəticəsində isə Tacəddin Kaltayev və Elnur Əliyev tutulub, şəxsi axtarış zamanı onlardan marixuana aşkarlanıb. Araşdırma zamanı saxlanılan şəxslərin narkotik vasitəni əvvəllər məhkum olunmuş İsrafil Əliyevdən aldıqları müəyyən edilib.
Davam etdirilən tədbirlərlə İsrafil Əliyev də tutularaq istintaqa təhvil verilib və ondan satış məqsədilə üzərində daşıdığı 200 qrama yaxın marixauna götürülüb.
Rayon ərazisində narkotiklərin qanunsuz dövriyyəsi ilə məşğul olan digər şəxslərin tutulması istiqamətində tədbirlər davam etdirilir-05D-.
Cəmiyyət
-
13 dekabr axşam paytaxtda və Abşeronda yağış yağacağı gözlənilir. Dekabrın 14-də yağış sulu qara keçəcək. Şimal-qərb küləyi əsəcək.
-
Bakının Xətai Rayon Polis İdarəsinin narkotiklərlə mübarizə şöbəsinin əməkdaşları narkoruryerlikdə şübhəli bilinən İlkin Dadaşov, Natiq Yusifov, Ruslan İsmayılov, Vüqar Əliyev, Qaryağdı Ruşanov və Elşən Muradovu saxlayıblar.
-
Dekabrın 12-də axşam saatlarından etibarən 13-ü səhərə qədər paytaxtda yağış gözlənilir. Ayın 14-də yağış qara çevriləcək, bu barədə Milli Hidrometeorologiya Xidmətinin sinoptikləri məlumat yayıb.
-
Səhiyyə Nazirliyində saxta plastik cərrahların fəaliyyətinin araşdırılması üçün işçi qrup yaradılıb. Bu barədə jurnalistlərə nazir Teymur Musayev bildirib.
Rəy yaz