Polis Polad Aslanovun həbsdə döyülməsi ilə bağlı cinayət işi açmaqdan imtina edib
Bakı/15.08.22/Turan: Polis jurnalist Polad Aslanovun 1 saylı cəzaçəkmə müəssisəsində döyülməsi və ona qarşı psixoloji təzyiqlə bağlı şikayət üzrə cinayət işi açmaqdan imtina edib. Bu barədə Turan-a onun həyat yoldaşı Gülmira Aslanova Nizami Rayon Polis İdarəsinin rəsmi cavabına istinadla bildirib.
Xatırladaq ki, Polad Aslanov bu il aprelin 1-də cəza evində kamera yoldaşları tərəfindən döyüldüyünü bildirib. Bununla əlaqədar onun həyat yoldaşı bir sıra etiraz aksiyaları keçirib. Aprelin 9-da onu Nizami Rayon Prokurorluğunda qəbul ediblər və araşdırma aparmağı vəd ediblər.
"Şikayətimi Nizami Rayon Prokurorluğundan Rayon Polis İdarəsinə göndəriblər. Orada "araşdırma" aparılıb və "cinayət faktı" aşkar edilməyib, cinayət işi açılmasından imtina edilib", deyə Aslanova qeyd edib.
Müstəntiq Polada hücum faktını inkar edən Penitensiar Xidmətin zabitinin və dörd məhbusun ifadələrinə əsaslanıb.
"Kamera yoldaşı həyat yoldaşımı döyməyibsə, onu niyə 3 günlük karserə salıblar?", deyə Aslanova sual edib.
Bundan başqa, istintaq Poladın bədənində şiddət izlərinin olmaması haqqında məhkəmə-tibb ekspertizasının rəyinə əsaslanıb. Amma həyat yoldaşının iddiasına görə, heç bir ekspertiza keçirilməyib.
O qeyd edib ki, Nizami Rayon Polis İdarəsinin qərarından şikayət veriləcək. Eyni zamanda, Aslanova qeyd edib ki, son vaxtlar həyat yoldaşına qarşı təxribatlara son qoyulub.
* Xeberman.com saytının təsisçisi və rəhbəri Polad Aslanov 2019-cu ilin iyununda dövlətə xəyanət ittihamı ilə həbs edilib və 16 il azadlıqdan məhrumetmə cəzasına məhkum edilib. Hüquq müdafiəçiləri onu siyasi məhbus kimi tanıyıblar. Fevralın 24-də Ali Məhkəmə onun cəza müddətini 13 ilə qədər azaldıb. -06В-
-
- İqtisadiyyat
- 15 Avqust 2022 13:12
-
- Cəmiyyət
- 15 Avqust 2022 14:29
Cəmiyyət
-
Azərbaycan Minatəmizləmə Agentliyinin əməkdaşı xidməti vəzifəsini yerinə yetirərkən xəsarət alıb. Hadisə aprelin 27-də Şuşa rayonunun Qeybalı kəndi ərazisində baş verib.
-
Aprelin 28-də Bakıda və Abşeron yarımadasında havanın yağıntısız olacağı gözlənilir. Mülayim cənub küləyi əsəcək. Havanın temperaturu gecə müsbət 14+18, gündüz müsbət 26+31 dərəcə olacaq, Azərbaycan Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Aprelin 27-də Bakıda və Abşeron yarımadasında hava şəraiti yağmursuz keçəcək. Səhər və axşam bəzi yerlərdə duman olacaq. Cənub-şərq küləyi əsəcək.
-
Azercell-in BİQ layihəsinin Biznesin Davamlılığı testi Ələt Azad İqtisadi Zonasında həyata keçirildi Ölkənin lider mobil operatoru Azercell-in BİQ - Böhran İdarəetmə Qrupu layihəsinin Ələt Azad İqtisadi Zonasında real vaxt rejimdə Biznesin Davamlılığı testi həyata keçirildi. İlk dəfə baş tutan testdə Azercell ilə yanaşı layihənin digər tərəfdaşları – Azərkosmos, Aztelekom və Baktelekom şirkətlərinin əməkdaşları da iştirak etdilər. Sözügedən ərazidə rabitənin tamamilə kəsilməsi simulyasiya edilərək böhran vəziyyəti yaradıldı. Böhran təlimi zamanı regionlardan olan texniki qrupların hadisə yerinə çatması və rabitənin bərpa edilməsi istiqamətində işlərə başlanıldı. İlk olaraq qruplar ərazidə 2 mobil Baza Stansiyası quraşdıraraq məhdud sayda abunəçiyə milli peykin imkanlarından istifadə edərək 2G xidməti təqdim etdilər. Növbəti mərhələdə yüksək sürətli internet, 3G və 4G şəbəkəsi bərpa edildi və ərazi 100 meqabit Wi-Fi xidməti ilə təmin olundu. Qeyd edək ki, öncəki testlərlə müqayisədə bu simulyasiya testində bərpa vaxtı 2 qat azaldıldı. Bütün bərpa işləri isə regionlardan olan və Azercell tərəfindən xüsusi texniki təlimlər görmüş qruplar tərəfindən icra olundu.
Rəy yaz