Yardımlı. Yollar buz bağlayıb.
Dağlıq rayonlarda bəzi yollar bağlanıb
Azadlıq.org: Lerik rayonunun adının çəkilməsəni istəməyən bir sakinin deməsinə görə, yaşadığı kənd rayon mərkəzindən uzaqda yerləşir: "Ötən gecə yarım metr qar yağdı, yollar bağlandı. Əl-ələ verib yolu açdıq. Elektrik enerjisinin verilməsində problemlər yaşandı. Sonradan elektriki bərpa etdilər. Qar yağmaqda davam edir. Bilinmir nə qədər yağacaq? İşıqların kəsilməsindən narahatıq. Bizim kənddə qaz yoxdur, evlər odunla qızdırılır".
Yardımlı rayonunda da bəzi yolların buz bağladığı bildirilir. Sakinlərin vurğulamasına görə, kəndlərdən rayon mərkəzinə gedən yollarda hərəkət məhdudlaşdırılıb.
Dəlləkli kəndinin sakini, ictimai fəal Cəlil Zabitovun deməsinə görə, bir çox kəndlərə elektrik enerjisi fasilələrlə verilir: "Bu gün, yanvarın 10-da qonşu kəndə çətinliklə getdim. Yollar buz bağlayıb. Masallı-Yardımlı yolunda hərəkət var. Yardımlı şəhərində qar az düşüb, kəndlərdə çox yağıb. Elektrik enerjisinin verilməsində problemimiz var. Bəzi kəndlərə işıqlar fasilələrlə verilir".
Astara rayonunun bəzi dağ kəndlərində də işıqların söndüyü, yolların bağlandığı deyilir. Hamoşam kənd bələdiyyəsinin sədri Rüfət Əliyev bildirir ki, kənd sakinlərinin köməyi ilə yolları açıblar: "Dünən elektrik xətti qırılmışdı, axşam bərpa etdilər. Yol da bağlı idi, açdıq".
Lerik Rayon İcra Hakimiyyəti Aparatının məhsul işçisi Vüqar Mirzəyevin deməsinə görə, yağıntı nəticəsində qırılmış elektrik xətləri bərpa olunub: "Müəyyən kəndlərə elektrik enerjisinin verilməsi dayanmışdı. Bərpa olunub".
Hələlik, Azərbaycanın digər dağlıq rayonlarının icra hakimiyyətləri ilə isə danışmaq mümkün olmayıb.
Cəmiyyət
-
Bu gün, sentyabrın 26-da Nyu-Yorkda Azərbaycan və Ermənistan xarici işlər nazirlərinin sülh danışıqları ilə bağlı görüşü gözlənilir. Görüş ABŞ dövlət katibi Antoni Blinkenin iştirakı ilə baş tutmalıdır. Dövlət katibi BMT Baş Assambleyasının illik sessiyası çərçivəsində Nyu-York mehmanxanasında nazirləri bir araya gətirməlidir. Bu, E.Blinkenin onlarla üç ayda ABŞ ərazisində ikinci üçtərəfli görüşü olacaq. Üç diplomat sonuncu dəfə bu il iyulun 10-da Vaşinqtonda keçirilən NATO sammiti zamanı bir araya gəliblər.
-
Sentyabrın 27-də paytaxtda hava dəyişkən olacaq. Gecə bəzi yerlərdə yağış yağa bilər. Şimal-şərq küləyi əsəcək.
-
Azərbaycanla Ermənistan delimitasiya və sərhəd təhlükəsizliyi məsələləri üzrə komissiyaların birgə fəaliyyəti haqqında Əsasnaməni avqust ayında razılaşdırıb. Sentyabrın 24-də isə Ermənistan Konstitusiya Məhkəməsi sənədin onların Konstitusiyasına uyğun olub-olmadığını müzakirə edəcəyini açıqlayıb.
-
Qarabağda təhsil alan tələbələrə “SuperSən 10GB” tarif paketindən 6 ay ərzində pulsuz istifadə etmək imkanı verilir Qarabağda ilk mobil infrastrukturu quraşdıran “Azercell Telekom” MMC bu ərazilərə qayıdan əhalini qabaqcıl kommunikasiya xidmətlərilə təmin etməyə davam edir. Lider mobil operator Qarabağda təhsil alan tələbələrə dəstək olmaq məqsədilə xüsusi kampaniya elan edir.
Xaricdən gələn təhlükələrə qarşı necə mübarizə aparmalı?- Əhməd Əlili Çətin sualda
Xəbər lenti
-
- Siyasət,
- 10:29
- 316
Rəy yaz