Jurnalist İzolda Ağayevanın ölkədən çıxışına qadağa qoyulduğu bildirilir. Bu haqda jurnalistin özü məlumat verib.
İ.Ağayeva martın 21-də təhsil məsələləri ilə bağlı Türkiyəyə getmək istəsə də, onu sərhəddən buraxmayıblar. Dövlət Sərhəd Xidmətinin əməkdaşları onun ölkədən çıxışına qadağa qoyulduğunu bildiriblər. Qadağanın hansı qurum tərəfindən qoyulması barədə jurnalistə bilgi verilməyib.
İ.Ağayeva ehtimal edib ki, ölkədən çıxışına qadağa qoyulmasının əsas səbəbi müstəqil jurnalist kimi Meydan TV ilə əməkdaşlıq etməsidir. Jurnalist yasağın götürülməsi üçün məhkəməyə müraciət edəcək.
Ötən həftə Meydan TV ilə əməkdaşlıq etmiş müstəqil jurnalist Gülər Mehdizadənin də ölkədən çıxışına qadağa qoyulduğu bəlli olmuşdu.
Bir müddət öncə Meydan TV ilə əməkdaşlıq edən jurnalistlər Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə çağırılaraq dindirilirdilər. Onlara Meydan TV-nin fəaliyyəti ilə bağlı suallar verildiyi bildirilirdi. Jurnalistlərdən Şirin Abbasova isə 30 sutka inzibati həbs cəzası verilmişdi.
Meydan TV ilə əməkdaşlıq edən jurnalistlər prokurorluqda da dindiriliblər.
Meydan TV xaricdən yayımlanır. (Azadlıq Radiosu)
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz