Daha bir vəkil səlahiyyətlərinnən məhrum edilib

Bakı/20.11.17/:Turan: Bu gün Vəkillər Kollegiyasının Rəyasət Heyəti Azərbaycanda bir çox siyasi məhbusların hüquqlarını müdafiə etməsilə məşhur olan vəkil Yalçın İmanovun səlahiyyətlərinin dayandırılması haqqında qərar qəbul edib.

Kollegiya İmanovun öz sıralarından çıxarılması üçün məhkəməyə müraciət etmək niyyətindədir. Məhkəmənin qərarına qədər İmanov müdafiədə iştirakdan kənarlaşdırılır.

Bunun üçün İmanovun Qobustan həbsxanasında "Müsəlman Birliyi" hərəkatının fəalı Abbas Hüseynova qarşı işgəncə faktını yayması ilə bağlı Penitensiar Xidmət rəhbərliyinin kollegiyaya müraciəti formal səbəb olub.

Penitensiar Xidmət bunu "ictimai asayişin pozulmasına yönəlmiş əməl" kimi qiymətləndirib.

İmanov Turan-a müsahibəsində öz ünvanına olan ittihamları təkzib edib. "Mən vəkillik və vəkil fəaliyyəti haqqında qanunu və ya peşə etikasını pozmamışam", deyə İmanov bildirib.

O qeyd edib ki, sözügedən qərar onun siyasi məhbusları müdafiə etməsi ilə bağlıdır. İmanov özünü müdafiə etmək üçün hüquqi prosedurları davam etdirmək niyyətindədir.

Qeyd edək ki, Kollegiya İmanovla yanaşı, siyasi məhbusların müdafiəsində məşhur olan bir sıra digər vəkilləri - Nemət Kərimli, Əsabəli Mustafayev, Aqil Layıcov və Fəxrəddin Mehdiyevi də cəzalandıra bilər.

Maraqlıdır ki, onların cəzalandırılması haqqında təqdimatı baş prokurorun birinci müavini Rüstəm Usubov hazırlayıb.

Kollegiyanın bugünki iclasının gündəliyində Sadıqov və Kərimli ilə bağlı məsələlər də var.

Xatırladaq ki, bundan əvvəl Xalid Bağırov, Aslan İsmayılov, Elçin Namazov və Əlaif Həsənov kimi məşhur vəkillər kollegiyadan çıxarılıb. -06D-