Daxili İşlər Nazirliyi 210 saylı məktəbdə şagirdlər üçün kibertəhlükə aşkar etməyib

Polis Bakıdakı 210 saylı məktəbdə uşaqları onlayn oyunlarda iştiraka çağıran yazıların yayılması ilə bağlı araşdırma aparıb.

Valideynlərin sözlərinə görə, kağızın bir tərəfində hansısa oyunun logosu, digərində isə mobil nömrə qeyd olunub. Kağızda "mənə yaz" sözləri yazılıb.

Valideynlər bu kağızların zərərli oyunun bir parçası olduğundan narahatlıqlarını bildiriblər.

Daxili İşlər Nazirliyinin mətbuat xidmətindən Turana bildiriblər ki, araşdırma zamanı müəyyən edilib ki, məktəblilərə paylanılan qrafalı vərəqə internet platformalarında onlayn şəbəkə oyunlarında komanda formalaşdırmaq məqsədilə təşkil olunub.

Polis əməkdaşları tərəfindən bütün xüsuslar tam və hərtərəfli araşdırılıb və yoxlanılıb. İş üzrə əməldə ictimai təhlükəli hal aşkar olunmayıb, kriminal tərkib yoxdur.

Daxili İşlər Nazirliyinin mətbuat xidmətinin  rəhbəri Elşad Hacıyev bildirib ki, Daxili İşlər Nazirliyi ali və orta təhsil məktəblərində tələbələrin, şagirdlərin zərərli vərdişlərdən çəkindirilməsi, təhsilə təşviq edilməsi istiqamətində kompleks iş aparır.