Daxili İşlər Nazirliyi toylara nəzarət edir

Bakı/22.06.21/ Turan: Daxili İşlər Nazirliyi toy şənliklərinə nəzarətin həyata keçirildiyini bildirib.

Nazirliyin ictimaiyyətlə əlaqələr şöbəsinin rəisi Elşad Hacıyevin  məlumatına görə, polis 50 nəfərədək adamın iştirak etdiyi toy və digər şənliklərdə maskadan istifadəyə nəzarət edir.

İştirakçılar yalnız yemək zamanı maskanı çıxara bilər. Bu şənliklərdə COVİD-19 pasportu tələb olunmur. Əgər qonaqlarən sayı 50-dan 150-ə qədər olarsa, maska məcburidir.

COVID-19 vaksininin ilk dozasını alan şəxslər avqustun 1-dək şənliklərə buraxılır. Lakin həmin tarixdən sonra qonaqları sayı 50-dən 150 nəfərədək olan şənliklərdə COVİD-19 pasportu məcburidir.

Həmçinin tədbirin təşkilatçıları qaydalara əməl edəcəklərini yazılı şəkildə bildirirlər. Toy sahibləri və restoran sahibi öhdəliklərin yerinə yetirilməməsinə görə məsuliyyət daşıyırlar.

Daxili İşlər Nazirliyi və digər nəzarət orqanları mütəmadi olaraq monitorinqlər aparacaqlar.-16D06-