Yanvarın 7-də günorta Xətai metro stansiyasının yaxınlığındakı “Dəmirçi Tower” biznes mərkəzində qətl hadisəsi törədilib.
Turan məlumat verir ki, hadisə binanın üçüncü mərtəbəsində, “İraq Hava Yolları” şirkətinin ofisində baş verib.
Şahidlərin sözlərinə görə, ofisdə bir neçə atəş səsi eşidilib. Yarım saatdan sonra hadisə yerinə polis əməkdaşları gəliblər.
Rəsmi məlumata görə, şirkətdə sürücü işləyən Bakı sakini Elşən Rəfayət oğlu Bəşirov satış üzrə menecer Əli Valid oğlu Ağəlini güllələyib.
E.Bəşirov müqavimət göstərmədən polisə təslim olub. Polis hadisənin detallarını açıqlamayaraq bildirib ki, DİN hadisə ilə bağlı ətraflı məlumat verəcək.
Polisdən bildiriblər ki, E.Bəşirov “Vinçester” ov tüfəngindən Ağəliyə bir neçə atəş açıb.
Fakt üzrə CM-in 120.1 maddəsilə (qəsdən adam öldürmək) cinayət işi açılıb.
Cəmiyyət
-
Şənbə günü paytaxtda hava tutqun olacaq, səhər sulu qar gözlənilir. Güclü şimal-qərb küləyi əsəcək. Havanın temperaturu gecə müsbət 2, gündüz müsbət 3 dərəcə olacaq. Rütubət 70-75 faiz olacaq.
-
Polis Bakıdakı 210 saylı məktəbdə uşaqları onlayn oyunlarda iştiraka çağıran yazıların yayılması ilə bağlı araşdırma aparıb.
-
Fevralın 8-dən Mingəçevirdən Şuşa şəhərinə müntəzəm avtobus reysi istifadəyə veriləcək. Bu barədə Rəqəmsal İnkişaf və Nəqliyyat Nazirliyi bildirib.
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
Rəy yaz