![Dəniz platformasında baş verən yanğın nəticəsində bir neftçi ölüb](https://turan.az/resized/news/2024/RTsvc0gOcZ3qJ6LkRUE8FHUiUwvuJpPoZet655eP-750-500-resize.webp)
Dəniz platformasında baş verən yanğın nəticəsində bir neftçi ölüb
Dəniz platformasında baş verən yanğın nəticəsində bir neftçi ölüb
Sentyabrın 2-də dəniz platformasında baş verən yanğın nəticəsində "Azneft" İB-nin əməkdaşı Rafiq İsa oğlu İslamov həlak olub.
Azərbaycan Respublikası Dövlət Neft Şirkətinin (SOCAR) "Azneft" İstehsalat Birliyinin (İB) "28 May" NQÇİ-nin 4 saylı Dərin Dəniz Özülündə yanğın baş verib.
Hadisə yerinə yanğınsöndürən gəmilər cəlb edilib, qısa müddətdə alovun genişlənməsinin qarşısı alınıb və yanğın tam söndürülüb.
Hadisə nəticəsində "Azneft" İB-nin 1 saylı İxtisaslaşdırılmış Neft-Mədən xüsusi texnika İdarəsinin əməkdaşı İslamov Rafiq İsa oğlu həyatını itirib.
Hadisənin şəraiti qiymətləndirilərək aidiyyəti üzrə müvafiq tədbirlər görülür, deyə "Azneft"in məlumatında bildirilir.
Cəmiyyət
-
Dövlət sərhəd Xidməti 2024-cü ilin avqust ayında sərhəd rеjim qaydalarını pоzduqlarına görə 754 nəfər saxlayıb, axtarışda оlan 311 nəfər saxlanılaraq aidiyyəti оrqanlara təhvil vеrilib, 655 nəfərin ölkəni tərk etməsinin, girişi qadağan olunan 13 nəfərin ölkəyə daxil olmasının qarşısı alınıb;
-
Sentyabrın 4-də paytaxtda yağıntı gözlənilmir. Şimal-qərb küləyi əsəcək. Havanın temperaturu gecə 20-25 dərəcə isti, gündüz 31-36 dərəcə isti, rütubət gecə 70-75%, gündüz 40-45% təşkil edəcək.
-
Mərkəzi Seçki Komissiyası (MSK) sentyabrın 1-də Milli Məclisə keçirilən növbədənkənar seçkilərlə əlaqədar ilkin nəticələrini açıqlayıb. Açıqlanan ilin nəticəyə görə, deputat mandatının yarıdan çoxunu (68) yenə hakim Yeni Azərbaycan Partiyası (YAP) qazanıb. 13 mandatın isə ümumilikdə 10 partiyaya düşəcəyi gözlənir. Vətəndaş Həmrəyliyi Partiyası üç, Ədalət, Hüquq və Demokratiya Partiyası iki yerlə təmsil ediləcək. Daha səkkiz partiya - Respublikaçı Alternativ Partiyası, Milli İstiqlal Partiyası, Demokratik İslahatlar Partiyası, Ana Vətən Partiyası, Böyük Quruluş Partiyası, Böyük Azərbaycan Partiyası, Milli Cəbhə Partiyası, Azərbaycan Demokratik Maarifçilik Partiyası hərəyə bir deputat mandatına malik olmağa yaxın sayılır.
-
Bakıda və Abşeron yarımadasında havadakı tozun miqdarında artım müşahidə olunur. Milli Hidrometeorologiya Xidmətinin məlumatına görə, tozun miqdarı normadan 2,5-3 dəfə çoxdur.
Rəy yaz