Dərbənd azərbaycanlıları sıxışdırılmadan şikayətlənir

Beynəlxalq Diaspor Mərkəzi ictimai təşkilatı bir qrup etnik azərbaycanlının – Dağıstanın Dərbənd şəhərinin sakinlərinin müraciətini yayıb.

Müraciət müəllifləri milli əlamətlərə görə şəhər hakimiyyəti tərəfindən ayrı-seçkiliyə məruz qalmalarından şikayətlənirlər. Belə ki, azərbaycanlılar bələdiyyə və federal səviyyədə vəzifədən kütləvi şəkildə çıxarılır, halbuki, Dərbəndin köklü əhalisi kimi azərbaycanlılar da əhalinin böyük hissəsini təşkil edir. 

Sıxışdırılma prosesi 20 ildən çoxdur ki, davam edir. Bu ayrı-seçkilik 2010-cu ildə, İmam Yarəliyevin şəhərə rəhbərlik etdiyi vaxtda ən gərgin həddə çatıb. Kadr məsələləri kadrların etnik tərkibinin proporsionallığının açıq şəkildə pozulması prinsipi ilə həll olunub. İ.Yarəliyevin dövründə azərbaycanlılar Şəhər Məclisində onlarla vəzifədən çıxarılıb.

Həmçinin azərbaycanlılar bələdiyyə, məhkəmələr, polis, vergi xidməti və prokurorluq orqanlarında rəhbər vəzifələrdən məhrum edilib.

Yeni merin – Baqəliyevin gəlişi ilə vəziyyət yaxşılaşmayıb, əksinə daha da pisləşib. Azərbaycanlıların işdən çıxarılması davam edib. Üstəlik onların yerinə Dərbənddən olmayan ləzgilər nümayişkaranə şəkildə təyin olunur ki, bu da etnik gərginlik yaradır, millətlərarası münasibətləri qızışdırır.

“Bu acınacaqlı durum azərbaycanlı əhali arasında məyusluq yaradır və vəziyyət hər nəsil üçün daha pis olur. Odur ki, Dərbənd azərbaycanlılarının gələcək nəsli üçün ləyaqətlə yaşamaq şansı qalmır”, - müraciətdə vurğulanır.

Sənədi 170-dən çox sakin imzalayb.-02D-