Bakı/10.04.19/Turan: Aprelin 9-da RF Dağıstan Respublikasının reklam və ticarət bölməsinin mütəxəssislərinin yardımı ilə Azərbaycan şairi Nizami Gəncəvinin Dərbənddə naməlum şəxslər tərəfindən ziyan dəymiş abidəsi bərpa edilib.
"Vandallara müraciət edirik: bu cür hərəkətlər RF qanunları ilə cəzalandırılır və sözsüz ki, bizim qədim şəhərin görünüşünü pozur", - dərbəndli jurnalist Telman Tahirli sosial şəbəkədə yazıb.
Bundan öncə o bildirmişdi ki, Dərbəndin azərbaycanlı əhalisinin narazılığına və şikayətlərinə baxmayaraq, dahi Azərbaycan şairi Nizami Gəncəvinin abidəsinə qarşı vandalizm aktının aradan qaldırılması və Dərbənddə eyniadlı bağın abadlaşdırılması üçün tədbirlər görülmür.
Xəbər verildiyi kimi, bədxahlar abidənin sağ əlinin dörd barmağını sındırmışdılar. Ötən il Bakı İqtisadi Forumunda iştirak edən Dağıstan rəhbəri Vladimir Vasilyev buna münasibətini bildirib.
Azərbaycan Respublikası "İnsan hüquqları uğrunda" İctimai Birliyinin analitik-informasiya portalındakı şərhdə Dağıstan rəhbəri deyib: "Nizaminin abidəsinə qarşı vandalizmə bağlı olanlar qanuna uyğun olaraq cəzalandırılacaqlar. Hər hansı tarixi abidəyə qarşı vandalizm cəzasız qalmamalıdır. Respublikanın hüquq-mühafizə orqanları bu yöndə iş aparırlar."
2018-ci ilin oktyabrında Dərbəndin rəhbəri Enrik Müslümovun göstərişilə abidə bərpa olunmuşdu. Ancaq bir aydan sonra barmaqları yenidən sındırıblar. Dünənə qədər Dağıstanda hökumət reaksiyası olmamışdı.
"Qonaqlar gəlir və barmaqları sınmış abidənin yanında foto çəkdirirlər. Əgər öz mədəniyyətimizə hörmət etmiriksə, Dərbənddə turuzmi necə inkişaf etdirə bilərik? Ümid edirik ki, Dərbənd administrasiyası videomüşahidəni təmin edəcək, gecə işıqlandırmasını düzəldəcək və abidəni qoruyacaq", - Telman Tahirli yazıb.
Turan "Niyə dərbəndlilər V.Putindən yox, İ.Əliyevdən xahiş edirlər?" məqaləsində Nizaminin abidəsinə ziyan vurulmasından və yerli hakimiyyətin laqeydliyindən yazıb.
http://www.contact.az/ext/news/2019/2/free/Social/az/78694.htm
Cəmiyyət
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
-
Mayın 18-də Bakıda və Abşeronda yağıntılı tutqun hava şəraiti davam edəcək. Şimal-qərb küləyi əsəcək. Havanın temperaturu gecə müsbət 11+13, gündüz müsbət 15+19 dərəcə olacaq.
-
Turan İnformasiya Agentliyinin son araşdırmaları Azərbaycanda kanalizasiya sisteminin idarə olunması ilə bağlı narahatedici hüquqi pozuntuları və ekoloji təhdidləri üzə çıxarıb. Turan-ın dərc etdiyi üç məqalədə dövlət nəzarətindəki ciddi nöqsanlar işıqlandırılır ki, bu da kanalizasiya xətlərinin icazəsiz tikintisinə və təmizlənməmiş çirkab sularının Zaqulba və Buzovna çimərliklərinin yaxınlığında Xəzər dənizinə axıdılmasına səbəb olub.
Rəy yaz