Açiq mənbələrdən foto.
Bakı/03.08.22/Turan: Azərbaycan Daxili İşlər Nazirliyi (DİN) vətəndaşlara müraciət edərək, iyul ayının 30-dan başlamış Məhərrəm ayında, o cümlədən avqustun 8-nə təsadüf edən "Aşura" günündə dini mərasimlərin "Dini etiqad azadlığı haqqında" qanunun tələblərinə uyğun olaraq yalnız məscid, ziyarətgah və onlara aid ərazilərdə keçirilməli olduğunu bildirir.
Mərasim iştirakçılarının təhlükəsizliyi, məscidlərə rahat gediş-gəlişi, dini ayinləri sərbəst və maneəsiz yerinə yetirmələri üçün bütün lazımi tədbirlərin görüldüyü diqqətə çatdırılır.
Eyni zamanda, əhalinin epidemioloji sağlamlığının təmin edilməsi baxımından mərasimlərin sanitariya normalarına uyğun təşkili tövsiyə olunur.
Müəlliflər müraciəti dini etiqad azadlığına hörmət ifadəsi sayaraq, vətəndaşları sənədi anlayışla qarşılamağa çağırırlar.
Müaraciətdə yer alan tələb və tövsiyələrin məhz hər bir şəxsin həyatının, sağlamlığının, hüquqlarının, azadlıqlarının, qanuni mənafelərinin və cəmiyyətin dinc həyatının qorunmasına xidmət etdiyi vurğulanır.
Xatırladaq ki, Aşura mərasimi Məhəmməd Peyğəmbərin (s) nəvəsi, İmam Əlinin (ə) oğlu İmam Hüseynin (ə) 680-ci ildə yaxın ətrafı ilə birlikdə Kərbəlada (indiki İraq ərazisi) şəhadətə yetirilməsilə bağlı keçirilən əzadarlıq mərasimləridir. 05D
Cəmiyyət
-
Dekabrın 12-də axşam saatlarından etibarən 13-ü səhərə qədər paytaxtda yağış gözlənilir. Ayın 14-də yağış qara çevriləcək, bu barədə Milli Hidrometeorologiya Xidmətinin sinoptikləri məlumat yayıb.
-
Səhiyyə Nazirliyində saxta plastik cərrahların fəaliyyətinin araşdırılması üçün işçi qrup yaradılıb. Bu barədə jurnalistlərə nazir Teymur Musayev bildirib.
-
Dövlət reyestrinə daxil edilməyən dərman vasitəsinin reseptə yazılmasına görə vəzifəli şəxslər (həkimlər) cərimələnəcək. Bunu edən həkimlərə 100-dən 150 manatadək, hüquqi şəxslərə isə 300-dən 400 manatadək cərimə nəzərdə tutulub. Bu, İnzibati Xətalar Məcəlləsinə əlavə kimi təklif edilən yeni -221.12-ci maddədə əksini tapıb.
-
Ölkənin lider mobil operatoru ISO 37001:2016 “Antikorrupsiya idarəetmə sistemi” standartları üzrə sertifikatını uğurla yeniləyib Azercell-in daxili siyasət və prosedurlarının ISO 37001:2016 standartına uyğunluğu, şirkətin fəaliyyətinin şəffaflıq prinsiplərinə əsaslandığı beynəlxalq ekspertlər tərəfindən bir daha təsdiqlənib. Sertifikatlaşma auditini 16 oktyabr 2024-cü il tarixində ABŞ-ın ən böyük akkreditasiya qurumu olan ANAB-ın (ANSI National Accreditation Board) akkreditə etdiyi Türkiyənin Denetik Belgelendirme şirkəti həyata keçirib. Auditin nəticələri Azercell-in antikorrupsiya proqramının bütün tələblərinə cavab verdiyini bir daha sübut edib.
Rəy yaz