Açiq mənbələrdən foto.
Bakı/29.07.21/Turan: Daxili İşlər Nazirliyinin Mətbuat Xidmətinin KİV və ictimaiyyətlə əlaqələr şöbəsinin rəisi Elşad Hacıyev Turana bildirib ki, Ərşad Ibrahimov vətəndaşın müraciəti əsasında polis orqanına dəvət edilib və izahatı alındıqdan sonra sərbəst buraxılacaq. –03B21-
* * *
2021 İyul 29 (Cümə axşamı) 17:33:12
Gəncədə dunyaninsesi.az saytının redaktoru Ərşad İbrahimov saxlanılıb
Bakı/29.07.21/Turan: Dünən axşam dunyaninsesi.az saytının redaktoru Ərşad İbrahimov Gəncədə saxlanılıb. Bu barədə Turan-a onun qardaşı Taryel İbrahimov bildirib.
“Bir neçə gündür ki, DİN-nin Baş Mütəşəkkil Cinayətkarlıqla Baş Mübarizə İdarəsi Göncədə yaşayan qardaşım Ərşad İbrahimovu bu idarəyə çağırırdı. Bu çağrış şifahi olduğu üçün o, getməkdən imtina etmişdi və yazılı bildiriş tələb etmişdi”, deyə jurnalistin qardaşı bildirib.
Dünən axşam 18 radələrində Gəncədə yaşadığı ərazidə bir neçə mülki geyimli şəxs onu avtomobilə əyləşdirərək naməlum istiqamətə aparıb. Bundan sonra ondan xəbər yoxdur.
Qardaşı jurnalistin aqibətini öyrənmək üçün 102 xidmətinə müraciət edib, amma cavab ala bilməyib.
Taryel İbrahimov hesab edir ki, qardaşı saytda polis orqanlarını tənqid etdiyinə görə saxlanılıb. Ərşad İbrahimov vətəndaşalrın müraciətləri əsasında materiallar dərc edirdi.
O, əvvəllər də cinayət təqibinə məruz qalıb. Belə ki, 2014-cü il iyunun 18-də o, Gəncədə fırıldaqçılıq ittihamı ilə həbs edilib. Yaxınlarının sözlərinə görə, saxlanılmasının əsl səbəbi onun saxta diplomların verilməsi haqqında araşdırması olub. Nəşrdən sonra həm məmur, həm də məmurun 30 min manat tələb etməkdə ittiham etdiyi jurnalist barəsində cinayət işi açılıb.
İbrahimov 11 il müddətinə azadlıqdan məhrum edilib, sonradan cəza müddəti 5 ilə qədər azaldılıb, daha sonra isə o, cəzasının 3/4-nü çəkdikdən sonra vaxtından əvvəl azadlığa buraxılıb. -06D-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz