Bakı/10.10.17/Turan: "Müsəlman Birliyi" hərəkatının fəalı Əhsən Nuruzadə qanunsuz narkotik dövriyyəsi ittihamı ilə həbs edilib. Bu barədə Turan-a vəkil Yalçın İmanov bildirib.
Onun sözlərinə görə, oktyabrın 6-da günortaya yaxın Nuruzadə öz evinin həyətində mülki geyimli şəxslər tərəfindən saxlanılıb. Vəkil üç gün ərzində onun harada olduğunu öyrənmək üçün polisə və məhkəmələrə müraciət edib. Yalnız oktyabrın 9-da Kürdəxanı İstintaq Təcridxanasında Nuruzadənin həmin gün oraya gətirildiyini və ona 234.4.3-cü maddə ilə ittiham irəli sürüldüyünü, istintaqı DİN-in Mütəşəkkil Cinayətkarlığa qarşı Mübarizə Baş İdarəsinin apardığını təsdiq ediblər.
Nərimanov rayon məhkəməsindən Nuruzadənin həbs edildiyini təsdiq ediblər, amma hökmün nə vaxt çıxarıldığını açıqlamayıblar. MCMBİ-dən vəkilə istintaqı hansı müstəntiqin apardığı barədə məlumat verməkdən imtina edərək, yazılı müraciət etməyi tələb ediblər. Vəkil həbsdən apellyasiya şikayəti vermək niyyətindədir.
İmanov xatırladıb ki, ilin əvvəllərindən MCMBİ əməkdaşları Nuruzadəni iki dəfə saxlayıblar və inzibati həbsə məruz qoyublar.
İlk dəfə o, yanvarın 24-də saxlanılıb, amma vəkilə yalnız ayın 30-da, məhkəmə onu 10 günlük həbs etdikdən sonra xəbər veriblər.
Sentyabrın 19-da Nuruzadə MCMBİ əməkdaşları tərəfindən yenidən saxlanılıb və yenə bu barədə Nərimanov rayon məhkəməsinin onun barəsində 10 günlük həbs qərarı çıxarmasından sonra məlumat veriblər.
"Əvvəlki həbslər zamanı Nuruzadəyə bildiriblər ki, Milli Şuranın mitinqlərinə getməyə və Taleh Bağırzadəni (Müsəlman Birliyi hərəkatının lideri) dəstəkləməyə son qoymasa cinayət ittihamı ilə həbs ediləcək", deyə İmanov bildirib.
234.4.3-cü "Narkotik vasitələrin və ya psixotrop maddələrin qanunsuz hazırlanmasında və emalında istifadə etmək məqsədi ilə prekursorları hazırlama, əldə etmə, saxlama, göndərmə, daşıma və ya satma, külli miqdarda törədildikdə" maddə 5 ildən 12 ilədək azadlıqdan məhrumetmə cəzası nəzərdə tutur.
MCMBİ-dən şərh almaq mümkün olmayıb.
Nuruzadə 2015-ci il Nardaran hadisələri ilə əlaqədar həbs edilmiş dini fəalların hüquqi və ictimai müdafiəsinin əlaqələndirilməsi ilə məşğul olurdu. -06B-
Cəmiyyət
-
Bu ay Bakıda Laser Beauty Clinic özəl klinikasında ixtisassız həkimlər tərəfindən qanunsuz cərrahi əməliyyatların aparılması halları aşkar edilib. Nəticələr barədə Səhiyyə Nazirliyinin Analitik Ekspertiza Mərkəzi bildirib. Mərkəz vətəndaşların şikayətlərindən sonra klinikada yoxlama aparıb.
-
Turana bu barədə məlumatı məhkəmədən təsdiq ediblər. Belə ki, yazıçı Sürəyya Ağayeva tərəfindən xüsusi ittiham qaydasında Cinayət Məcəlləsinin 147.2 (böhtan) və 148-ci (təhqir) maddələri ilə məhkəməyə verilib. Onun barəsində başqa yerə getməmək haqqında iltizam alındığı deyilir.
-
Hərbi ekspert, dövlət telekanallarının daimi qonağı Ədalət Verdiyevə qarşı hərbi sirrin açıqlanması üzrə ciddi ittiham irəli sürülüb. Bu ittihamla (Cinayət Məcəlləsinin 308-ci maddəsi) əgər günahkar açıqlamanın qərəzsizliyini sübut edərsə, 3-7 il həbs cəzasına məhkum edilə bilər. Ağırlaşdırılmış halda cəzanın müddəti 4-8 il azadlıqdan məhrumetmə ola bilər.
-
Noyabrın 28-də Bakıda və Abşeronda yağış yağacağı gözlənilir, Milli Hidrometeorologiya Xidmətinin sinoptikləri bildiriblər. Lakin Bakıda yağışla bağlı bugünkü proqnoz özünü doğrultmayıb.
Rəy yaz