Fəqan Məmmədov
Bakı/07.06.22/Turan: İyunun 7-də Bakı Ağır Cinayətlər Məhkəməsində dini fəal Fəqan Məmmədova hökm oxunub. Məhkəmə onu Cinayət Məcəlləsinin 234.4.3-cü (külli miqdarda narkotik maddənin qanunsuz dövriyyəsi) maddəsilə təqsirli bilib və altı il müddətinə azadlıqdan məhrum edib. Prokuror onun 7 il məhkum edilməsini istəyib.
Məmmədov ötən il sentyabrın 2-də Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşları tərəfindən saxlanılıb. İstintaqla müəyyən edilib ki, Məmmədovun üzərində içərisində ümumi çəkisi 8 qram metamfetamin olan 4 paket aşkar edilib.
Lakin müdafiə tərəfi istintaqın çoxsaylı pozuntularla aparıldığını iddia edir. Belə ki, şəxsi axtarış saxlanma yerində deyil, Baş Mütəşəkkil Cinayətkarlıqla Mübarizə İdarəsində aparılıb.
Vəkil yekun çıxışında bildirib ki, Məmmədovun işgəncə altında Baş Mütəşəkkil Cinayətkarlıqla Mübarizə İdarəsində verdiyi etirafdan başqa iş üzrə səhih sübut yoxdur.
Fəal son sözündə ittihamları rədd edərək deyib ki, o, digər iki fəalla birlikdə Bakıdan Gəncəyə üzərində “Ya Hüseyn” yazılmış köynəkləri apararkən saxlanılıb.
Məmmədovun sözlərinə görə, polisdə onu yerə yıxıblar, təpikləyiblər və bədəninə elektrik cərəyanı veriblər. Məmmədovla birlikdə saxlanılan fəallardan birini buraxıblar, digəri Arif Cəfərov isə narkotik maddə ittihamı ilə 2 il müddətinə azadlıqdan məhrum edilib.
Hüquq müdafiəçiləri diqqəti ona yönəldirlər ki, Fəqan Məmmədov dindarların topladığı yardımın məhbuslara çatdırılmasında “Gəncə işi” üzrə keçən şəxslərin ailələrinə fəal köməklik edib. 06B
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz