Bakı/20.12.18/Turan: Bu gün Xəzər Rayon Məhkəməsində dindar Telman Şirəliyevin işi üzrə proses başa çatlb.
O 2012-ci il oktyabrın 5-də Təhsil Nazirliyinin binası qarşısında keçirilmiş etiraz aksiyasında iştirak etdikdən sonra 6 il müddətinə azadlıqdan məhrum olunmuşdu.
Lakin həbsdən çıxmasına bir həftə qalmış ona qarşı yeni cinayət işi açılıb. Guya onun yastığının altından biz "tapılıb". Ona qarşı CM-in 317-2.1-ci maddəsi (qadağan olunmuş əşyaların hazırlanması, saxlanması, gəzdirilməsi) ilə ittham irəli sürülüb.
Bu gün məhkəmə T.Şirəliyevi 5 ay 18 gün azadlıqdan məhrum edib.
Hüquq müdafiəçiləri hesab edirlər ki, T.Şirəliyevə qarşı yeni iş onun əfv ərizəsi yazmaqdan imtina etməsilə bağlıdır.
Siyasi Məhbusların Azadlığı Uğrunda İttifaqın koordinatoru Elşən Həsənov bildirib ki, T.Şirəliyev qeyri-obyektiv məhkəmə istintaqının əsasında mühakimə olunub.
Prosesdə onu dövlət hesabına təyin olunmuş vəkil müdafiə edib.
Hüquq müdafiəçisinin sözlərinə görə, T.Şirəliyevin Avropa İnsan Hüquqları Konvensiyasının 6-cı ( ədalətli məhkəmə çəkişməsi hüququ) və 13-cü (effektiv hüquqi müdafiə vasitəsi hüququ) maddələrilə təsbir edilmiş hüquqları pozulub.
"Biz məhkəmənin qərarını ədalətsiz, qərəzli və siyasi motivli hesab edirik. T.Şirəliyev yenidən siyasi məhbuslar siyahısına daxil ediləcək", - E.Həsənov bildirib.-05D-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz