Açiq mənbələrdən foto.
Bakı/15.05.23/Turan: "Müsəlman Birliyi" Hərəkatının üzvü, həbsdə olan Abbas Hüseynin anası Rəhimə Hüseynova mayın 15-də Prezident Administrasiyasının yaxınlığında etiraz aksiyası keçirib.
O, həbsdə oğluna işgəncə verilməsinə etiraz edib.
Aprelin 27-də 1 saylı İstintaq Təcridxanasının təqdimatı əsasında Nizami Rayon Məhkəməsi Abbas Hüseynin 1 il müddətinə Qobustan qapalı həbsxanasına köçürülməsi barədə qərar qəbul edib.
“Müsəlman Birliyi” Hərəkatının rəhbəri Tale Bağırzadə, Abbas Hüseyn və digər dindarlar 2015-ci il noyabrın 26-da Daxili İşlər Nazirliyinin Nardaran qəsəbəsində keçirdiyi xüsusi əməliyyat nəticəsində həbs olunublar. Saxlanılan şəxsləri Bağırzadənin təşkil etdiyi cinayətkar qrupda iştirakda ittiham ediblər. Onlar Cinayət Məcəlləsinin terrorizm, qanunsuz silah saxlamaq, konstitusiya quruluşunun zorla dəyişdirilməsinə cəhd, polisə müqavimət və başqa maddələrilə günahkar bilinərək 12 ildən 19 ilədək həbsə məhkum ediliblər. Abbas Hüseyn 20 il azadlıqdan məhrum edilib.
O və digər fəallar siyasi məhbus kimi tanınıblar.
Vəkil Fəxrəddin Mehdiyev bildirib ki, Qobustan həbsxanasına köçürülmə bu məhbusun cəzalandırılma formasıdır. İstintaq təcridxanasında da Abbas Hüseynə karserə yerləşdirmə yoluyla təzyiq göstərilib. Əvvəllər bu məhbus 7 saylı koloniyada oxşar təzyiqlərə məruz qalıb. Vəkil qeyd edib ki, bu pozuntularla bağlı şikayətlərə baxılmayıb.
O əlavə edib ki, Abbas Hüseynin Qobustan həbsxanasına göndərilməsi barədə qərardan apellyasiya şikayəti verilib.
Abbas Hüseynin işi üzrə şərh verilməsilə bağlı Turan agentliyinin Penitensiar Xidmətə sorğusu hələlik cavabsız qalır. 0
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz