DMX qanunsuz miqrantlar aşkarlayıb

Bakı/08.07.17/Turan Dövlət Miqrasiya Xidməti (DMX) tərəfindən qanunsuz miqrasiyaya qarşı tədbir keçirib. Xəbəri DMX yayıb.

Tədbir zamanı ölkə ərazisində qanunsuz yaşayan 9 nə­fər Hindistan,1 nəfər Banqladeş və 1 nəfər də Ni­geriya və­tən­da­şı aşkar edilib.

Xəbərdə deyilir ki, bu şəxslərə qeydiyyatsız yaşadıqları "Sport Baku Hostel"in inzibatçısı Elnur Məm­mə­dov təhsil pərdəsi al­tın­da müvəqqəti yaşama icazələrinin alın­ma­sı­na dair vədlər verib və qanunsuz olaraq ölkə ərazisində qalmalarına şərait yaradıb. Eyni zamanda "Sport Baku Hostel"də saxlanılmış Banqladeş vətəndaşı Shava Buhiyanın (1 avqust 1988-ci ildə anadan olub) əvvəllər inzibati qaydada ölkə ərazisindən kənara çıxarıldığı, bi­lə­rək­dən pasport məlumatlarını dəyişərək 10 avqust 1988-ci ildə doğulmuş Nur Mohammad kimi Azərbaycana yenidən daxil olduğu aşkar edilib.

DMX bildirir ki, qanunsuz miqrasiyaya qarşı mübarizə çər­­çi­və­sində tədbirlər da­vam edir.