Bakı/10.10.17/Turan: Azərbaycan Dövlət İqtisad Universitetinin informasiya və iqtisadi texnologiyalar kafedrasının dosenti, xalq Cəbhəsi Partiyasının üzvü Eldar Hüseynov işdən çıxarılıb.
O bildirib ki, oktyabrın 6-da heç bir xəbərdarlıq edilmədən 28 il çalışdığı universitetdən çıxarılıb. O, işdən çıxarılmasına iki səbəb göstərib. Bunlardan biri kafedra müdiri ilə münaqişə ilə əlaqədardır.
Ötən ilin sonlarında iki ay xəstə həmkarını əvəz edib, ancaq buna görə əməkhaqqı almayıb. O, ödəniş istədikdə əvəz elədiyi müəllimə müraciət etməsini tövsiyə ediblər.
"Sonradan məlum olub ki, kafedra müdiri xəstə pedaqoqdan özü pul alıb", - E.Hüseynov bildirib.
Bundan əlavə, dəfələrlə E.Hüseynovun qarşısında seçim qoyublar: ya AXCP üzvü olmaq, ya işsiz qalmaq.
Sentyabrda kafedra müdiri 3-4 əməkdaşı məcbur edib ki, E.Hüseynovu şərləsinlər.
"Onlar yazdılar ki, mən müəllimləri təhqir edirəm və iş intizam komissiyasına verildi, rektor isə işdən çıxarılmağım barədə əmr verdi", - E.Hüseynov bildirib.
O deyib ki, məhkəməyə müraciət edəcək və Avropa Məhkəməsinə qədər çıxacaq.
Universitetin mətbuat xidmətindən şərh almaq mümkün olmayıb.
Xatırladaq ki, müxalifətin 23 sentyabr mitinqində iştirakdan sonra həkimlər - AXCP üzvü Elmi Usubov və ADP sədrinin müavini Həsrət Rüstəmov işdən çıxarılıb.-06D--
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz