Bakı/02.10.19/Turan: Azərbaycan dövləti bütün şəhid ailələrini və Qarabağ müharibəsi əlillərini mənzillə təmin etmək üçün resurslara malikdir, iqtisadçı ekspert Qubad İbadoğlu SOCAR və müharibə əlilləri arasında Bakı ətrafındakı torpaq sahələri ilə bağlı bu yaxınlarda baş vermiş münaqişəni şərh edərkən belə deyib.
Onun sözlərinə görə, 2013-cü ildə Azərbaycanda 13 628 şəhid ailəsi və 111 306 Qarabağ müharibəsi əlili olub, bunların 886-sı birinci qrup əlildir.
2019-cu ildə prezidentin fərmanı ilə şəhid ailələri və əlillər üçün mənzil tikintisinə 35 mln. manat ayrılıb.
2019-cu ilin birinci yarısına olan məlumatlara görə, qeyd edilən kateqoriyadan olan şəxslərə 6764 mənzil verilib, bu, o deməkdir ki, onların yarısı mənzillə təmin edilib.
Ekspert hesab edir ki, Prezidentin Ehtiyat Fondunda olan 300 mln. manatdan, investisiya büdcəsində olan 6 mlrd. manatdan və Dövlət Neft Fondunda olan vəsaitlərdən mənzillərin tikintisinə əlavə vəsait ayrılmalıdır.
Öz növbəsində, deputat Fazil Mustafa qeyd edib ki, Milli Məclis şəhid ailələrinin və Qarabağ əlillərinin mənzillə təmin edilməsi üçün zəruri qanunları qəbul edib.
"Prezident həmin sosial qruplarını evlərlə, maşınlarla təmin etmək üçün fərmanlar imzalayıb və bu problemlərin təxirə salınmadan öz həllini tapmalı olduğunu bildirilib. Qaldı onları icra etmək. Müvafiq icra strukturları bu işlərlə bağlı öz vəzifəsini yerinə yetirməlidir", deyə o bildirib.
Əmək Nazirliyinin mətbuat xidmətindən bildiriblər ki, təkcə ötən ay 64 Qarabağ müharibəsi əlili və şəhid ailəsi mənzillə təmin edilib.
"Ötən il bu kateqoriyanın mənizllə təmin edilməsi proqramı çərçivəsində 626 mənzil və fərdi ev verilib. Bu, planlaşdırılandan 3 dəfə çoxdur. Bu il qeyd edilən kateqoriyaya aid şəxslərə 800 mənzil və fərdi ev ayrılacaq", deyə mətbuat xidmətindən bildiriblər. -21C-
Cəmiyyət
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
Rəy yaz