Sədərək Gömrük İdarəsinin rəisi Mirməhəmməd Seyidov məzuniyyətdə olduğu müddətdə ailəsinin müalicəsi ilə əlaqədar 2013-cü il dekabrın 9-da Türkiyənin İstanbul şəhərinə gedib.
2013-cü il dekabrın 17-də İstanbul-Qars təyyarə reysində ailəsi ilə birlikdə geri qayıdarkən Qars Hava Limanında polis tərəfindən saxlanıb, Türkiyədə əməliyyatlarda həbs olunanlarla əlaqədar bəzi məlumatların dəqiqləşdirilməsi üçün İqdır Vilayət Prokurorluğuna dəvət edilib. Bu barədə Azərbaycan Dövlət Gömrük Komitəsi məlumat yayıb.
Məlumatda deyilir ki, Azərbaycanın Türkiyədəki Səfirliyi və Qarsdakı Baş Konsulluğu tərəfindən bu məsələnin tez bir zamanda həlli istiqamətində lazımi tədbirlər görülür. -03D-
2013 Dekabr 18 (Çərşənbə) 11:36:16
Dekabrın 17-də Naxçıvan MR Sədərək Gömrük İdarəsinin rəisi Mirməhəmməd Seyidov Türkiyədə saxlanılıb.
Türkiyə mediasının məlumatına görə, Naxçıvanla sərhəddəki Dilucu gömrük məntəqəsində həyata keçirilən rüşvət və qaçaqmalçılıq əməliyyatı çərçivəsində M. Seyidov Qarsda saxlanılıb.
O, təyyarə ilə Qarsa gedib və hava limanında Türkiyə Qaçaqmalçılıq və Mütəşəkkil Cinayətkarlıqla Mübarizə Şöbəsinin əməkdaşları tərəfindən həbs edilib.
Gömrük rəisini Qarsdan İğdıra apararaq orada tibbi müayinədən keçiriblər.
Türkiyə mediası yazı ki, Dilucu sərhəd keçid məntəqəsində 280 polis əməkdaşı əməliyyat keçirib. Əməliyyat zamanı 7 gömrük işçisi (1-i qadındır), 10 daşıma şirkətinin sahibi olmaqla 17 nəfər saxlanılıb.
Azərbaycanın Qarsdakı konsulu Asiman Əliyev M.Seyidovla görüşmək üçün polis şöbəsinə gedib.
Azərbaycan Dövlət Gömrük Komitəsindən gömrük rəisinin saxlanması ilə bağlı məlumat almaq mümkün olmayıb. Turan agentliyinin dəfələrlə komitənin səlahiyyətli şəxsi ilə əlaqə qurmaq cəhdi baş tutmayıb. Növbətçi hissə səlahiyyətli şəxslə telefon əlaqəsi yaratmaqdan imtina edib. Komitənin 192 saylı çağrı xidmətindən də məlumat almaq mümkün olmayıb. Sədərək Gömrük İdarəsinin növbətçi hissəsindən isə rəislə bağlı məlumat verilməyib.
Azərbaycan Xarici İşlər Nazirliyinin mətbuat xidməti isə məlumatla bağlı araşdırma aparıldığını bildirib. -03B-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz