Açiq mənbələrdən foto.
Bakı/05.07.22/Turan: Azərbaycan Dövlət Sərhəd Xidməti son günlər sərhəd pozucularının saxlanıldığını bildirib. Belə ki, iyulun 1-də saat 17:45-də Beyləqan rayonunun Qaradağlı kəndi yaxınlığında qanunsuz olaraq Azərbaycana keçməyə çalışan İran vətəndaşı Səyavuş Pərvin İsrafil oğlu (1971-ci ildə anada olub) saxlanılıb.
Həmin gün saat 09:45-də Yardımlı rayonunun Avaş kəndi yaxınlığında Azərbaycanın dövlət sərhədini keçməyə cəhd edən digər İran vətəndaşı Mahmud Cavid Məhəmmədəli oğlu (1985-ci ildə anadan olub) saxlanılıb.
İyulun 1-də saat 22:25-də Xaçmaz rayonunun Xanoba kəndi yaxınlığında Azərbaycan-Rusiya sərhədini qanunsuz keçmək cəhd edən İraq vətəndaşı Alkatinat Mustafa Hüseyn Fadhil (1996-cı ildə anadan olub) saxlanılıb.
İyulun 1-də saat 10:30-da Balakən rayonunun Şərif kəndi yaxınlığında Azərbaycan-Gürcüstan sərhədini pozan Azərbaycan vətəndaşı Həsənov Kamil Famil oğlu (1991-ci ildə anadan olub) saxlanılıb. Müəyyən edilib ki, iyulun 23-də o, Gürcüstana qanuni yolla gedib.
Sözügedən faktlar üzrə əməliyyat-istintaq tədbirləri həyata keçirilir. 05B06
Cəmiyyət
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
Rəy yaz