Dövlət sifarişi ilə təhsil alanların xərcləri artırılıb
Bakı/04.10.19/Turan: Nazirlər Kabineti ayrı-ayrı ixtisaslar üzrə dövlət sifarişi ilə ali təhsil müəssisələrinin bakalavriat və əsas tibb təhsili səviyyəsində hər bir təhsil alana düşən təhsil xərclərinin miqdarına dəyişiklik edib. Qurumun 4 oktyabr qərarına görə, bakalavriat səviyyəsində fizika, biologiya, kimya, kimya və biologiya müəllimliyi ixtisasları üzrə təhsil alanlara düşən təhsil xərci 1320 manatdan 1850 manata qaldırılıb.
Azərbaycan dili və ədəbiyyatı, dil və ədəbiyyat, xarici dil, riyaziyyat və informatika, riyaziyyat, fiziki tərbiyə və çağırışa qədərki hazırlıq, texnologiya, musiqi, tarix, tarix və coğrafiya, coğrafiya, informatika, təsviri incəsənət, ibtidai sinif, korreksiyaedici, məktəbəqədər təlim və tərbiyə, təhsildə sosial-psixoloji xidmət və rəqs müəllimliyi ixtisasları üzrə hər bir təhsil alana düşən təhsil xərci 23 faizə qədər artırılaraq 1320 manatdan 1710 manata qaldırılıb.
Filologiya, fəlsəfə, tərcümə, jurnalistika və kitabşünaslıq ixtisasları üzrə hər bir təhsil alana düşən xərc də 23 faizə qədər artırılaraq 1620 manatdan 2100 manata çatdırılıb.
Müalicə işi və hərbi həkim işi üzrə təhsil alana düşən xərc 5400 manat, tibbi profilaktika, əczaçılıq, stomatologiya fakultələrində təhsil alanlara düşən xərc isə 4800 manat səviyyəsində müəyyənləşdirilib.-0-
-
- Maliyyə
- 4 Oktyabr 2019 15:17
-
- İqtisadiyyat
- 4 Oktyabr 2019 16:36
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz