Dövlət Sosial Müdafiə Fondu vətəndaşın borcunu qaytarmır

Bakı/12.05.23/Turan: Buzovna qəsəbəsinin sakini Rəhman Quliyev əmək və əhalinin sosial müdafiəsi naziri Sahil Babayevə açıq məktubla müraciət edərək Dövlət Sosial Müdafiə Fondunda (sözügedə nazirliyin strukturu) nəzərə alınmayan pensiyanın bir hissəsinin tam hesablanmasını tələb edib.

"2013-cü ildə pensiyaya çıxanda 14 illik iş stajım Xəzər rayonu Dövlət Sosial Müdafiə Fondunun əməkdaşı tərəfindən nəzərə alınmayıb. 2022-ci ildə uzun çəkişmələrdən sonra  borcun 1180 manat məbləğində bir hissəsi köçürüldü. Ümumi 3500 manat borcdan qalan 2320 manat ödənilməyib", - Quliyev bildirib.

Quliyevin Dövlət Fondundan aldığı doqquz rəsmi cavabla tanış olduqdan sonra biz əmin olduq ki, bu sənədlər əsasən bir-birini təkrarlayır. Məktublarda vətəndaşa qanuni pensiya məbləğinin bir hissəsinin ödənilməməsi faktından söz getmir.

Məmurlar birmənalı olmayan ifadələrə əl atırlar, lakin etiraf etməyə məcbur olurlar ki, hər ay Quliyevin pensiyasına ödənilməmiş borcun bir hissəsi olan məbləği əlavə ediblər. Eyni zamanda, "Əmək pensiyası haqqında qanunun" 32.1-2-ci bəndini xatırladıblar ki, orada yazılıb ki, onun pensiyası yenidən hesablandıqdan sonra Quliyevə 2019.08.02-ci ildən bəri üçillik müddətdə müəyyən edilmiş pul Quliyevə qaytarılıb. Bu, onun Dövlət Fonduna şikayətlə müraciət  etməsindən üç il əvvəldir. Qurum  Quliyevin əmək fəaliyyətinin digər dövrləri üçün ödənilməmiş məbləğ barədə susur. Quliyevin pensiya almadığı altı il ərzində əmək fəaliyyəti barədə rəsmi məktublarda heç bir şey deyilməyib.

Quliyevin şəxsən sosial müdafiə naziri Sahil Babayevə məktubuna cavab yoxdur. Turan vasitəsilə müraciət edən vətəndaş nazirdən borcun tam ödənilməsinə kömək etməsini xahiş edir. O həmçinin günahkarı müəyyənləşdirmək və Quliyevə ödənilməmiş borcu ondan tutmaq üçün daxili araşdırma təyin etməsini nazirdən xahiş edir. Müraciət  Quliyevin 0507717497 nömrəli telefon nömrəsilə yekunlaşır.

Rəhman Quliyev Dövlət Sosial Müdafiə Fondunun cavabları ilə qane olmur,   ona dəyən bütün maddi ziyanın ödənilməsini tələb edir. Məhkəməyə şikayətlə bağlı Turan-ın təklifinin cavabında deyib ki, məhkəmə süründürməçiliyi üçün vəsaiti və sağlamlığı yoxdur.

"Niyə nazirlik vətəndaşları aldatdıqda və öz pullarını tələb etdikdə adamlar xərc çəkərək məhkəməyə müraciət etməlidirlər, nazirlik səhvən vətəndaşlara əlavə məbləğ ödədikdə isə qurum bu pulları məhkəmənin qərarı olmadan tutur?"- Quliyev soruşur.

Turan Rəhman Quliyevin şikayəti  üzrə sorğuyla müraciət etsə də, Dövlət Sosial Müdafiə Fondundan cavab ala bilməyib. Yazılı sorğudan və Dövlət Sosial Müdafiə Fondunun nümayəndəsilə telefon danışığından üç gün sonra qurumun mətbuat xidməti cavab verməyib.—0—

Sənədlərin surətləri (PDF)