Açiq mənbələrdən foto.
Ekoloji monitorinqin nəticələrinə əsasən Azərbaycanın bəzi çimərlikləri istifadə üçün bağlanıb
Bakı/12.06.23/Turan: Dəniz suyunun bakterioloji çirklənmə göstəricilərinin yüksək olması, həmçinin əhali arasında yoluxucu xəstəliklərin baş qaldırması və yayılması riskləri səbəbindən Azərbaycanın bir sıra çimərliklərində çimməyə müvəqqəti qadağa qoyulub.
Bu qərar Bakı və Sumqayıt şəhərlərində, Lənkəran, Xaçmaz və Astara rayonlarında çimərliklərin sanitariya vəziyyətinin monitorinqinin nəticələri, habelə Səhiyyə Nazirliyinin Respublika Gigiyena və Epidemiologiya Mərkəzinin Ekologiya və Təbii Sərvətlər Nazirliyinin Xəzər Kompleks Ekoloji Monitorinq İdarəsilə birgə apardığı laboratoriya tədqiqat metodları vasitəsilə dəniz suyunun keyfiyyətinin göstəriciləri əsasında qəbul edilib.
Səbail rayonunun Şıx, Qaradağ rayonunun Sahil, Suraxanı rayonunun Hövsan, Xəzər rayonunun Türkan, Sumqayıt şəhəri, respublikanın şimal sahil zonası (Yalama, Nabran, İstisu və Seyidli qəsəbəsi), cənub bölgəsi (Lənkəran və Astara rayonları) və həmin ərazilərdəki qanunsuz çimərlik zonalarında çimmək müvəqqəti qadağan edilir.
Eyni zamanda Buzovna, Zuğulba, Mərdəkan, Şüvəlan, Novxanı, Goradil, Nardaran, Bilgəh və Pirşağı çimərliklərində dəniz suyunun fiziki-kimyəvi, bakterioloji göstəricilərinin norma səviyyəsində olduğu müəyyən edilib.
Çimərliklərdə dəniz suyunun laboratoriya müayinə üsullarının tətbiqilə nəzarət tədbirləri davam etdirilir.
Qeyd edək ki, Azərbaycanda çimərlik mövsümü iyunun 15-dən başlanılır.06В
Cəmiyyət
-
Keçmiş diplomat, fəal Emin İbrahimovun saxlanıldığı bildirilir.
-
Paytaxtın Suraxanı rayonunda azyaşlını girov götürüb, öldürəcəyi ilə hədələyən şəxs zərərsizləşdirilib.
-
Bu gün Azərbaycan mətbuatı 149 illiyini qeyd edir. 1875-ci ilin 22 iyul tarixində Həsən bəy Zərdabinin böyük səyi nəticəsində Azərbaycan jurnalistikasının bayraqdarı, anadilli ilk mətbu orqan olan “Əkinçi” qəzeti nəşrə başlayıb.
-
İyulun 19-da Dövlət Sərhəd Xidmətinin Sahil Mühafizəsinin sahil nəzarəti bölmələri və sərhəd gəmisinin qarşılıqlı fəaliyyəti nəticəsində ümumilikdə 26 kiloqram 325 qram narkotik vasitə (24 kiloqram 835 qram marixuana, 1 kiloqram 490 qram tiryək), 2500 ədəd metadon M-40 həbi, 660 ədəd preqabalin 150 kapsulu, 40 qutu Marlboro, 10 qutu Milano siqaretləri və 5 ədəd TİTAN siqarının Xəzər dənizi vasitəsilə qeyri-qanuni yolla Azərbaycan ərazisinə keçirilməsinin qarşısı alınıb.
Rəy yaz